ខេត្តព្រះសីហនុ
អាជ្ញាធរខេត្ត បានជូនដំណឹងដល់ប្រជាពលរដ្ឋ ស្តីពីការចែកវិញ្ញាបនបត្រ័សម្គាល់ម្ចាស់អចលនវត្ថុ និងមោឃះភាពនៃបណ្ណសំគាល់សិទ្ធិកាន់កាប់ប្រើប្រាស់ដីធ្លី ឬបណ្ណ័សំគាល់សិទ្ធិកាន់កាប់អចលនវត្ថុជូនប្រជាពលរដ្ឋភូមិ៣ សង្កាត់លេខ១ ក្រុង ខេត្ត ព្រះសីហនុនៅថ្ងៃទី០៣ 
ខែមេសា ឆ្នាំ២០១៥ខាងមុខ ។
សាលាខេត្តព្រះសីហនុបានជូនដំណឹងដល់ម្ចាស់នៃក្បាលដីដែលមានក្បាលដីស្ថិត នៅក្នុងតំបន់វិនិច្ឆ័យដីធ្លីក្នុងភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ ឪ្យបានជ្រាបថា យោងតាមអនុក្រឹត្យលេខ៤៦ អនក្រ.បកចុះថ្ងៃទី៣១ ខែឧសភា ឆ្នាំ២០០២ ស្តីពីនីតិវិធីនៃការកសាងប្លង់សុរិយោដី និងសៀវភៅគោលបញ្ជីដីធ្លី ក្រោមដំណើការនៃការចុះបញ្ជីដីធ្លីមានលក្ខណះជាប្រព័ន្ធក្នុងភូមិ៣ សង្កាត់លេខ១ ក្រុង ខេត្តព្រះសីហនុ ។ មន្ទីររៀបចំដែនដីនគរូបនីយកម្មសំណង់ និងសុរិយោដីខេត្តព្រះសីហនុ និងធ្វើការចែកវិញ្ញាបនបត្រ័សម្គាល់ម្ចាស់អចលនវត្ថុ(បណ្ណ័កម្មសិទ្ធ)ជូនប្រជាពលរដ្ឋម្ចាស់ក្បាលដីដែលស្ថិតក្នុង តំបន់វិនិច្ឆ័យខាងលើ នៅថ្ងៃទី០៣ ខែមេសា ឆ្នាំ២០១៥ខាងមុខនេះ ។
ចំពោះបណ្ណ័សំគាល់សិទ្ធិកាន់កាប់ដីធ្លី (បណ្ណ័ស្លាបមាន់) ឬបណ្ណ័សំគាល់សិទ្ធិកាន់កាប់អចលនវត្ថុ ដែលចេញដោយរដ្ឋបាលសុរិយោដីកន្លងមកក្នុងតំបន់នេះ នឹងត្រូវអស់សុពលភាពតាមផ្លូវច្បាប់ ចាប់ពីថ្ងៃចែកវិញ្ញាបនបត្រ័សម្គាល់ម្ចាស់អចលនវត្ថុ ខាងលើនេះតទៅ ។
សេចក្តីជូនដំណឹងខាងលើ សូមឪ្យម្ចាស់ក្បាលដីក្នុងទីតាំងខាងលើដែលមានបណ្ណ័សំគាល់សិទ្ធកាន់កាប់ប្រើប្រាស់ដីធ្លី ឬបណ្ណ័សំគាល់សិទ្ធិកាន់កាប់អចលនវត្ថុកន្លងមក មេត្តាយកបណ្ណ័ទាំងនោះមកប្រគល់ឪ្យមន្ត្រីរដ្ឋបាលសុរិយោដី ដើម្បីទទួលយកវិញ្ញាបនបត្រ័សំគាល់ម្ចាស់អចលនវត្ថុថ្មី ជំនួសវិញដែលនឹងត្រូវប្រគល់ជូនដោយមន្ត្រីរដ្ឋបាលសុរិយោដីនៅសាលាសង្កាត់លេខ១ ចាប់ពីថ្ងៃទី០៣ ខែមេសា ឆ្នាំ២០១៥ រហូតដល់ថ្ងៃទី១១ ខែមេសា ឆ្នាំ២០១៥ ជាកំហិត ។ ចំពោះម្ចាស់បំណុលដែលបានទទួលបញ្ចាំ ឬដាក់ធានាពាក់ពន្ធ័និងក្បាលក្នុងតំបន់ វិនិច្ឆ័យខាងលើ សូមយកបណ្ណ័ទាំងនោះមកជូនមន្ត្រីរដ្ឋបាលសុរិយោដី ធ្វើនិយ័តកម្ម ដើម្បការធានាប្រាក់របស់លោកអ្នក ។
សូមបញ្ជាក់ថា ភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ ត្រូវបានប្រជុំផ្សព្វផ្សាយទិន្នន័យក្បាលដី ជាសាធារណះនូវឯកសារនៃការវិនិច្ឆ័យដីធ្លីលក្ខណជាប្រពន្ធកាលពីខែ០៣ ឆ្នាំ២០១៤កន្លងមក ៕
