សៀមរាប៖នៅព្រឹកថ្ងៃទី២៧ខែមិនាឆ្នាំ២០១៥នៅសាលាអនុវិទ្យាល័យឃុំពង្រលើបានប្រារព្វពិធីទិវាលុបបំបាត់ពលកម្មកុមារ ក្រោយការឧបត្ថម្ភនំប៉័ងរបស់ អង្គការទស្សនៈពិភពលោក វ៉ុលវិសុន យកមកចែក ជូនប្រជាពលរដ្ឋ និងសិស្សានុសិស្សបរិភោគជា អាហារសំរ៉ន់ ត្រូវបានពុលដឹកបញ្ជូនមកពេទ្យសង្គ្រោះបន្ទាន់កាលពីយប់ថ្ងៃទី ២៧ និងព្រឹកថ្ងៃទី ២៨ ខែ មិនា ឆ្នាំ ២០១៥។
.លោកលឹម ប៊ុនថុល នាយកសាលាអនុវិទ្យាល័យពង្រលើបានប្រាប់អ្នកសារពត៌មានយើងថា៖ នៅក្នុងព្រឹកថ្ងៃទី២៧ខែមិនាឆ្នាំ២០១៥លោកបានប្រារព្វពិធីទិវាលុបបំបាត់ពលកម្មលើកុមារដែលមានការអញ្ជើញចូលរួមមកពីសាលាចំនួន៥មាន៖ ១.សាលាអូរមាស,២.សាលាដុបត្នោត,៣.សាលាក្បាលដំរី,៤.សាលាពង្រលើ,៥.សាលាអនុវិទ្យាល័យពង្រលើ។ ចំនួនចូលរួមសរុប៧៥០នាក់គិតទាំងមាតាបិតា គិតទាំសិស្ស.។ក្នុងកម្មវិធីនេះអង្គការទស្សនះពិភពលោកកម្ពុជា(ហៅកាត់ វ៉ុលវិសុន)ប្រចាំស្រុកជីក្រែងបានចូលរួមជួយឧប្បត្ថម្ភអាហាសំរ៉ន់មាននំប៉័ងដាក់សាច់ចំនួន៧៧៨នុំ នឹងទឹកសុទ្ធ១០០យួរ.។
កម្មវិធីនេះបានចាប់ផ្តើមពីម៉ោង៨,៣០នាទីព្រឹករហូតដល់ម៉ោង១២ថ្ងៃត្រង់ទើបចប់ហើយបំបែកគ្នាទៅផ្ទះរៀងៗខ្លួន លុះដល់ម៉ោង១១ឬ១២យប់ទើបមានកូនសិស្សនិងប្រជាពលរដ្ឋនៅតាមបណ្តាភូមិទាំង៥ខាងលើមានកើតជំងឺចុកពោះ ចុះក្អួតបញ្ជូនមកមណ្ឌលសុខភាពពង្រលើជាបណ្តើៗ រហូតដល់ម៉ោង៩ព្រឹកថ្ងៃទី២៨ខែមិនាឆ្នាំ២០១៥ទើបមានការភ្ញាក់ផ្អើលយ៉ាងខ្លាំងធ្វើឲ្យមណ្ឌលសុខភាពឃុំពង្រលើទប់ទល់មិនបានហើយបានរាយការជូនមកមជ្ឈមណ្ឌលកំពង់ក្តី មជ្ឈមណ្ឌលកំពង់ក្តីរាយការជួនមជ្ឈមណ្ឌល់សុខភាពស្រុកសូទ្រនិគមន៏ឲ្យមកជួយ តែពេលនោះអ្នកជំងឺដែលពុលអាហារិតតែកើនឡើងធ្វើឲ្យលោកគ្រូពេទ្យដែលអញ្ជើញមកពីស្រុកសូទ្រនិគមន៏បានទូរស័ព្ទរាយការណ៏ទៅមន្ទីរពេទ្យបង្អែកខេត្តសៀមរាប, មន្ទីរពេទ្យកុមាអង្គរ, មន្ទីរពេទ្យគុន្ធបុផា និង គ្រប់មណ្ឌល់សុខភាពស្រុកទាំងបីមាន ស្រុកជីក្រែង, ស្រុកសូទ្រនិគមន៏និងស្រុកស្វាយលើឲ្យមកជួយ។
ពេលនេះទាំងអាជ្ញាធរស្រុក, ឃុំទាំងគ្រួពេទ្យកំពុងតែដុតដៃដុតជើងទូរស័ព្ទទៅមន្ទីរនានាក្នុងខេត្តឲ្យជួយជាមធ្យោបាយដឹកជញ្ជូនអ្នកជំងឹយកទៅសង្គ្រោះបន្ទាន់។ លោកអ៊ុំ សារ៉ាត់ប្រធានមណ្ឌលសុខភាពឃុំពង្រលើបានឲ្យដឹងថា៖ អ្នកដែលពុលអាហាសំរ៉ន់នេះពុំទាន់មានអ្នកណាម្នាក់គ្រោះថ្នាក់ដល់អាយុជីវិតទេ គ្រាន់តែចុកពោះ, ចុះក្អួត អស់កំលាំងបាត់បង់ស្មារតីប៉ុណ្ណោះ។ ប្រភពដ៏ដែលបានបន្តរទៀតថា អ្នកដែលពុលអាហាចំនួនច្រើនជាងអ្នកដែលទៅចូលរួម ព្រោះមកពីបងយកអាហាទៅផ្ញើរប្អូន, ម្តាយយកផ្ញើរកូន, ជីដូនយកទៅផ្ញើរចៅទើបពុលតរគ្នា។
.លោកជ្រា មុន្នី អភិបាលរងស្រុកជីក្រែងបានឲ្យដឹងថា ការពុលនេះលោកពុំបានទំលាក់កំហុសឲ្យខាងអ្នកផ្តល់ទេ នៅពេលដែលបញ្ជូនអ្នកជំងឹអស់លោកនឹងធ្វើការសួរទៅអ្នកដែលបានផ្តល់អាហាសំរ៉ន់ថាតើខាងអ្នកផ្តល់នេះបានទិញមកពីខាងណា រួចយើងនឹងធ្វើការស្រាវជ្រាវបន្តរទៀត ចំពោះតួរលេខអ្នកគ្រោះថ្នាក់ពុំទាន់មានពិតប្រាកដទេរថយន្តកំពុងតែដឹកចូលជាបណ្តើៗ រង់ចាំអានពត៌មានក្រោយទៀត។ ដោយ ព្រុំ សុខា 
