ខេត្តបន្ទាយមានជ័យ៖ក្រុមការងារក្រុមគ្រូពេទ្យស្ម័គ្រចិត្តរបស់សម្តេចតេជោចុះមកពិនិត្យនិងព្យាបាលជម្ងឺជូនពលរដ្ឋនៅដាច់ស្រយាលដោយមិនគិតថ្លៃ ។ក្រុមគ្រូពេទ្យដឹកនាំកម្លាំងដោយលោកគឹមមង្គលភក្ភី ជាប្រធានក្រុមយុវជនស្មគ្រ័ចិត្តសម្តេចតេជោនិងក្រុមការងារគ្រូពេទ្យស័
គ្ម្រជាច្រើនរូប។ការចុះព្យាបាលជំងឺទូទៅជូនពលរដ្ឋនៅក្នុងបរិវេណវត្តអូរឫស្សីក្រុងប៉ោយប៉ត្រនៅព្រឹកថ្ងៃទី២៨ ខែមីនាឆ្នាំ២០១៥ខេត្តបន្ទាយមានជ័យ។លោកគឹមមង្គលភក្ភី បានថ្លែងឲ្យដឹងថា ថ្ងៃនេះយើងបាននាំយកក្រុមការងារគ្រូពេទ្យស្ម័គ្រចិត្តថ្នាំពេទ្យដើម្បីមកពិនិត្យនិងព្យាបាលជំងឺពលរដ្ឋរស់នៅដាច់ស្រយាល រយៈពេល២ថ្ងៃចាប់ពីថ្ងៃទី២៨ ដល់ថ្ងៃទី២៩ ខែមីនា ឆ្នាំ២០១៥ ក្នុងខេត្តបន្ទាយមានជ័យ ហើយនៅថ្ងៃស្អែកយើងទៅព្យាបាលជម្ងឺនៅក្នុងស្រុកមង្គលបូរី ខេត្តបន្ទាយមានជ័យបន្តទៀតបន្ត។លោកបានបន្តថា ថ្នាំទាំងអស់នេះគឺ លោកជំទាវ ហ៊ុន ម៉ាណែត និងស្តាំផ្ញើសួរសុខទុក្ខ ជំនួសសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ផងដែរ។លោកបានបន្ថែមថាការចុះជួយនិងព្យាបាលជំងឺពលរដ្ឋគឺមានគោលបំណងដើម្បីឲ្យពួកគាត់ ស្វែងយល់ពីសុខភាពរបស់ពួកគាត់ និងការរស់នៅមានអនាម័យ ដើម្បីបញ្ជៀសការមានជំងឺ ប្រចាំកាយរបស់ពួកគាត់ផងដែរ។ជាចុងក្រោយ លោកបានផ្តាំផ្ញើដល់ពលរដ្ឋទាំងអស់ឲ្យដឹងថារាជរដ្ឋាភិបាលតែងតែយកចិត្តទុកដាក់ដល់ប្រជាជនទាំងអស់គ្នាមិនថាទីណាកន្លែងណាឡើយទោះបីមានពេលខ្លះ ខ្វះចន្លោះបន្តិចបន្តួចនៅតាមទីជនបទដាច់ឆ្ងាយតែដរាបណាមានក្រុមយើង អាចចូលទៅដល់ទីតាំង ទោះបីឆ្ងាយយ៉ាងណា គឺមានក្រុមយុវជនគណបក្សប្រជាកម្ពុជា ក្រុមកុលបុត្រសម្តេចតេជោក្រុមគ្រូពេទ្យស្ម័គ្រចុះទៅពិនិត្យនិងព្យាបាលដោយមិនគិតពីថវិកានិងមិនគិតពីកម្លាំងកាយចិត្ត ការនឿយហត់យ៉ាងណាក៏ដោយ។លោកបានកោសសរសើរដល់ក្រុមយុវជនកុលបុត្រ សម្តេចតេជោ មកពីទីក្រុងភ្នំពេញ និង ក្រុមយុវជនកុលបុត្រសម្តេចតេជោមកពីខេត្តបន្ទាយមានជ័យ បានសហការ ជាក្រុមយុវជនក្រុង ប៉ោយប៉ែតយើងដែរ បានខិតខំយកចិត្តទុកដាក់ទៅលើសុខភាពប្រជាពលរដ្ឋយើង រស់នៅក្នុងមូលដ្ឋានដាច់ស្រយាលខាងលើនេះ៕
គង្គា
