កំពង់ធំ= ឯកឧត្តម បណ្ឌិត ជីវ កេង សមាជិកក្រុមប្រឹក្សាជាតិប្រឆាំងអំពើពុករលួយ និងជាអនុប្រធានតុលាការកំពូល និង លោកជំទាវ ឆាយ ស៊ីណា បានអញ្ជើញជាអធិបតីក្នុងពិធីសម្ភោធសមិទ្ធិផលនានាក្នុងវត្តស្រីទេព ស្ថិតនៅក្នុងឃុំសំបូរ ស្រុកប្រាសាទសំបូរកាលពីព្រឹកថ្ងៃទី២៩ 
ខែមីនា ឆ្នាំ២០១៥ ដោយមានចូលរួមពីមន្ត្រីរាជការនិងប្រជាពលរដ្ឋសរុប៤៧២នាក់។
ក្រោយពី លោក ខៀវ ប៉ាង អភិបាលស្រុកប្រាសាទសំបូរ បានអានរបាយការណ៏ស្វាគមន៏ស្តីពីការរីកចំរើននូវសមិទ្ធផលនានានៅក្នុងវត្តស្រីទេព រួមមានកុដ្ឋ១ខ្នងធ្វើអំពីថ្មអស់ទឹកប្រាក់ចំនួន២៦៧៨៨$ និងខ្លោងទ្វារ១អស់ទឹកប្រាក់ចំនួនជាង៧០០០$ សរុបទាំងអស់ចំនួនជាង៣០០០០$រួចមក!
ឯកឧត្តម បណ្ឌិត ជីវ កេង សមាជិកក្រុមប្រឹក្សាជាតិប្រឆាំងអំពើពុករលួយ និងជាអនុប្រធានតុលាការកំពូលបានមានប្រសាសន៏ថា កាលពីសម័យ៣ឆ្នាំ ៨ខែ និង២០ថ្ងៃក្នុងសម័
យបនក្បត់ប្រល័យពូជសាសន៏ ប៉ុល ពត ប្រជាពលរដ្ឋខ្មែររស់នៅរងទុក្ខវេទនាត្រូវពួកទម្មិលអន្តិរថីយ៏វាយធ្វើបាន និងកាប់សម្លាប់ឥតមានត្រាប្រណី ចំណែកទីវត្តអារាមត្រូវគេវាយកំទេចចោល និងយកទៅធ្វើជាឃ្លាំងដាក់សម្ភារៈ ឬជាកន្លែងឃុំឃាំងមនុស្ស បើកុំតែបានគុណរណៈសិរ្សសាមគ្គីសង្គ្រោះជាតិ ដែលដឹកនាំដោយសម្តេចទាំងបី មានសម្តេច ជា ស៊ីម សម្តេច ហេង សំរិន និងសម្តេច ហ៊ុន សែន ក្រោកឈរឡើងចលនាប្រជាជន ដោយមានការគាំទ្រពី
សំណាក់កងទ័ពស្ម័គ្រវៀតណាមផងនោះ ទើបអាចរំដោះប្រទេសជាតិឲ្យរួចពីឋាននរកអវចីយ៏នេះ! លោកក៏សូមសម្តែង នូវការសប្បាយរីករាយឥតឧបមាចំពោះ ព្រះគ្រូចៅអធិការ លោកតាអាចារ្យ គណះកម្មការ ពុទ្ធបរស័តចំណុះជើងវត្ត ព្រមទាំងបងប្អូនប្រជាពលរដ្ឋទាំងអស់ ដែលមានសធ្ធារ្យ ជ្រះថ្លានៅក្នុងព្រះពុទ្ធសាសនា រួមគ្នាក៏សាងនូវសមិទ្ធិផលជាច្រើននៅក្នុងវត្តនេះ ដើម្បីតំកល់ទុកក្នុងព្រះ ពុទ្ធសាសនា!ក្នុងនោះដែរឯកឧត្តម និងលោកជំទាវ មានសទ្ធារជ្រះថ្លាបានចូលបច្ឆ័យ ចំនួន៣លានរៀល ជួយឧបត្ថម្ភសាលាស្រុកចំនួន២ លានរៀល
សាលាឃុំ១លានរៀល លោកតា លោកយាយជាង៣០០នាក់ក្នុងម្នាក់អាវ១ ថវិការ៥០០០រៀល យុវសិស្សកាយារិទ្ធ១០០ ក្នុងម្នាក់សៀវភៅ២ក្បាលប៊ិច១និងថវិការ១ម៉ឺនរៀល លោកគ្រូ អ្នកគ្រូ១៧នាក់ក្នុងម្នាក់ៗទទួលបានថវិការ២ម៉ឺនរៀលផងដែរ ចុងក្រោយគណអធិបតីអញ្ជើញកាត់ខ្សែបូរសម្ភោធសាលាកុដិដាក់ឲ្យប្រើប្រាស់ជាផ្លូវការនូវសមិទ្ធិផលក្នុងវត្តស្រីទេពចាប់ពីថ្ងៃនេះទៅ៕
ប៊ុនរិទ្ធី
