កូរ៉េខាងជើងត្រៀមកាត់ទោសប្រហារ ជីវិតមន្ដ្រី២០០នាក់ស្ថិតនៅក្រោម ឱវាទ និងស្មោះត្រង់ជាមួយអតីតមន្ដ្រី ជាន់ខ្ពស់ទីពីរ និងជាឪពុកមាថ្លៃគីម ជុង អ៊ុន លោកចាង សុងទិក ត្រូវប្រហារជីវិត កាលពេលកន្លងមក ។
សារព័ត៌មាន ចូសាន់ បានដកស្រង់ ប្រភពព័ត៌មានដែលមិនបញ្ចេញឈ្មោះ បានឱ្យដឹងនៅថ្ងៃទី១ ខែមេសាថា ក្រៅពី សាច់ញាតិ មន្ដ្រីដែលស្មោះត្រង់នឹង លោកចាងជាង២០០នាក់នៅមានអ្នក ស្និទ្ធជាង១ពាន់នាក់ទៀតក៏ត្រូវជាប់ឃុំ ធ្វើពលកម្មផងដែរ ។
ក្រោយពេលមេដឹកនាំកូរ៉េខាងជើង លោកគីម ជុងអ៊ុនបើកយុទ្ធនាការជីក ទាំងឫសគល់អ្នកដែលគាំទ្រអតីតមេដឹក នាំទីពីរចាង សុងទិក មជ្ឈមណ្ឌលសន្ដិ សុខជាតិកូរ៉េខាងជើងបានបញ្ជាក់ថា មន្ដ្រីដែលស្និទ្ធិជាមួយលោកចាង អាច ត្រូវកាត់ទោសប្រហារជីវិតមានរហូត ដល់២០០នាក់ និងអ្នកជាប់ពាក់ព័ន្ធជាង ១ពាន់នាក់ទៀត ។ តុលាការជាន់ខ្ពស់ ប្រជាជនកូរ៉េខាងជើងបានកាត់ទោស ដោយសម្ងាត់ ។
មន្ដ្រីដែលជាដៃជើងរបស់លោកចាង សុងទិក សរុបជាង២០០នាក់ដែលមាន នៅក្នុងបក្សពលករក្នុងជួររដ្ឋាភិបាល និងជួរកម្លាំងទាហានត្រូវកាត់ទោស ប្រហារជីវិតព្រមគ្នា ហើយការប្រហារ ជីវិតនឹងធ្វើឡើងនៅមជ្ឈមណ្ឌលហ្វឹក ហ្វឺនយោធាកាងកុន ក្រោមការត្រួត ពិនិត្យពីមន្ដ្រីជាន់ខ្ពស់របស់គីម ជុងអ៊ុន។
កន្លងមក កូរ៉េខាងជើងក៏បានកាត់ ទោសប្រហារជីវិតដោយបើកចំហរនូវ មន្ដ្រីជាន់ខ្ពស់មួយចំនួនដើម្បីគំរាម កំហែងដល់មន្ដ្រីដទៃទៀតឱ្យគោរពស្ដាប់ តាមមេដឹកនាំគីម ជុងអ៊ុន៕
