យោងតាមស្ថិតិចេញដោយ ការិយាល័យស្ថិតិអឺរ៉ុប កាលពីថ្ងៃ២មេសា បានឲ្យដឹងថា នៅក្នុងតំបន់អឺរ៉ុប តាមការប៉ាន់ប្រមាណ ទៅលើអត្រាអ្នកគ្មានការងារធ្វើ គឺតែបន្តកើនឡើង និងមានអត្រា ខ្ពស់ដដែល ។ ប៉ុន្តែ គិត ក្នុងខែតុលា ឆ្នាំ២០១៣ អត្រាអ្នកគ្មានការងារធ្វើ នៅថេរ ។
តួលេខចេញដោយការិយាល័យស្ថិតិបានបញ្ជាក់ថា ក្នុងចំណោមប្រទេស ដែលជាសមាជិកចំនួន ២៨ប្រទេស គិតក្នុងខែកុម្ភៈ ឆ្នាំ២០១៤ អត្រាអ្នកគ្មានការងារធ្វើ មានចំនួន១០,៦ភាគរយ ខណៈដែលក្នុងខែមករា មានចំនួន ១០,៧ភាគរយ ។
ក្នុងចំណោមប្រទេសទាំងអស់ដែល ជាសមាជិក នៅក្នុងប្លុកអឺរ៉ុបនោះ មានអត្រាអ្នកគ្មានការងារធ្វើ ទាបជាងគេ ៤,៨ភាគរយ អាល្លឺម៉ង់មាន ចំនួន៥,១ភាគរយ ឡុចហ្ស៊ាំប៊ួ មាន៦,១ភាគរយ ។ រីឯប្រទេសដែលមានអត្រា អ្នក គ្មានការងារធ្វើខ្ពស់ជាងគេ វិញនោះ រួមមានៈ ក្រិច ២៧,៥ភាគរយ គិតត្រឹមខែធ្នូ ឆ្នាំ២០១៣ និងប្រទេសអេស្ប៉ាញ មានអត្រាអ្នកគ្មានការងារ ធ្វើចំនួន២៥,៦ភាគរយ ៕
