ខេត្តព្រះវិហារដើម្បីផ្សារភ្ជាប់ទំនាក់ទំនង រវាងសមរភូមិមុខ និងសមរភូមិក្រោយ ក៏ដូចជាការលើកទឹកចិត្ត ដល់វីរៈ នៃកម្លាំងប្រដាប់អាវុធ ដែលកំពុងឈរជើងការពារទឹកដីយ៉ាងអង់អាច មិនខ្លាចនឿយហត់ បូជាជីវិត ដើម្បីជាតិមាតុភូមិនោះ ទើបអាជ្ញាធរខណ្ឌពោធិ៍សែនជ័យ ដឹកនាំដោយលោក ហែម ដារិទ្ធិ អភិបាល នៃគណអភិបាល ខណ្ឌពោធិ៍សែនជ័យ ចុះទៅសាកសួរសុខទុក្ខ និងបាននាំទៅជាមួយ នូវគ្រឿងឧបភោគបរិភោគ និងថវិការមួយចំនួន ប្រគល់ជូនដល់នគរបាលការពារព្រំដែន វរៈលេខ៧៩៣ ប្រចាំនៅច្រកអានសេះ ។
ពិធីប្រគល់អំណោយនេះ បានធ្វើឡើងកាលពីព្រឹកថ្ងៃទី២៨ ខែមីនា ឆ្នាំ២០១៥ នៅចំណុចច្រកអានសេះ ក្នុងស្រុកជាំក្សាន ខេត្តព្រះវិហារ ដោយមានការចូលរួម ពីលោក សេង គន្ធ អភិបាលរង លោក ឃឹម ស៊ុនសូដា អភិបាលរង លោក កែវ សុធា អភិបាលរង និងលោក ម៉ម វុធី អធិការង តំណាងឲ្យលោក យឹម សារ៉ាន់ អធកការនគរបាល ខណ្ឌពោធិ៍សែនជ័យ និងមានការចូលរួមពីមន្ត្រីក្រោមឱវាត ប្រមាណជា៧៦នាក់ ត្រូវបានទួទលស្វាគមន៍យ៉ាងកក់ក្តៅ ពីកម្លាំងនគរបាលវរៈការពារព្រំដែន លេខ៧៩៣ផងដែរ ។
បើតាមតំណាងនគរបាល ការពារព្រំដែនវរៈ៧៩៣ បានលើកឡើងនៅក្នុងរបាយការ របស់ខ្លួនថា នាពេលកន្លងមក ភាគីថៃធ្លាប់បានបិទច្រកអានសេះនេះ ជាឯកតោគាគី ប៉ុន្ដែយើងបានធ្វើការអត់ធ្មត់ មិនបង្កជំលោះនោះទេ ហើយនៅទីបំផុត ភាគីថៃបានបើកច្រកនេះឡើងវិញដោយខ្លួនឯង ដែលជាមោទនភាពមួយ ដែលយើងបញ្ចៀសបាននូវជំលោះជាយថាហេតុ ហើយនៅពេលនេះ យើងក៍នៅតែប្រកាន់ជំហរអត់ធ្មត់ដដែល ដើម្បីសន្ដិភាព នៅតាមព្រំដែន ។
ក្នុងឱកាសនោះដែរលោក ហែម ដារិទ្ធិ ក៏បានថ្លែងទៅកាន់បងប្អូន នៅវរៈការពារព្រំដែន៧៩៣ថា ក្នុងនាមលោកជាអាជ្ញាធរខណ្ឌ ក៏ដូចជាបងប្អូនប្រជាពលរដ្ឋ ក្នុងខណ្ឌពោធិ៍សែនជ័យ សូមកោតសរសើរចំពោះវីរៈភាព ដ៏អង់អាចរបស់បងប្អូនជាកម្លាំងនគរបាល ក្នុងការពារបូរណភាពទឹកដី នៅតំបន់ប្រាសាទព្រះវិហា ធ្វើឲ្យប្រជាពលរដ្ឋ ទទួលសុខសន្តិភាព ដូច្នេះកាត្វកិច្ចការពារជាតិមាតុភូមិ នៅសមរភូមិមុខ គឺបងប្អូនជាអ្នកឈរជើងការ ប៉ុន្តែអ្នកនៅសមរភូមិក្រោយ ក៏មិនភ្លេចនូវគ្រឿងឧបត្ថម្ភផងដែរ ទាំងកម្លាំងចិត្ត និងសម្ភារៈ ជាពិសេសរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ គឺបានយកចិត្តទុកដាក់យ៉ាងខ្លាំង ចំពោះកងកម្លាំងប្រដាប់អាវុធទាំងអស់ និងបានជម្រុញឲ្យអាជ្ញាធរខេត្ត ក្រុង ខណ្ឌ ត្រូវផ្សាភ្ជាប់ជាមួយបងប្អូន ឧបត្ថម្ភទាំងកម្លាំងចិត្ត និងសម្ភារៈ ។
អំណោយដែលលោកអភិបាល ខណ្ឌពោធិ៍សែនជ័យ នាំយកទៅប្រគល់ជូននៅពេលនោះ រួមមាន ថវិការចំនួន២លានរៀល ជូលទៅអង្គភាពវរៈ៧៩៣ ជូនដល់មេបញ្ជាការថវិកា ចំនួន៥០ម៉ឺនរៀល សិស្សានុសិស្ស ចំនួន២៨នាក់ក្នុងម្នាក់ៗ បានមួយម៉ឺនរៀល ជូនអ្នកគ្រូពីរនាក់ ម្នាក់បាន៤ម៉ឺនរៀល ជួយស្ដារស្រះទឹក២លានរៀល គ្រឿងឧបភោគបរិភោគ រួមមាន មី២០០
កេស ទឹកស៊ីអ៊ីវ៥០យួរ ទឹកត្រី៥០យួរ ត្រីខកំប៉ុង៦កេសធំ ស័ង្គសី៨០សន្លឹក រួមទាំងឱសថចំនួន១៦មុខ និងបន្លែបង្ការជាច្រើនមុខទៀតផងដែរ ។ ជាមួយគ្នានោះដែរ លោកឧកញ៉ា នី សម្បត្តិ ក៏បានជួយឧបត្ថម្ភ ដល់នគរបាលប៉ុស្ដិ៍ចំនួន៦ នៅតាមព្រំដែន នូវថវិការចំនួន ៤លាន៨០ម៉ឺនរៀល ផងដែរ ៕
