សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើមាតុភូមិនិវត្តន៍ មកដល់កម្ពុជាវិហើយ កាលពី ល្ងាចថ្ងៃទី ២៩ ខែមិនា ឆ្នាំ២០១៥ បន្ទាប់ពី ទៅចូលរួមគោរពវិញ្ញាណក្ខន្ធសព ឯកឧត្តម លីខ្វាន់យូ អតីតនាយករដ្ឋមន្ត្រី សិង្ហបូរី ។
សូមបញ្ជាក់ផងដែរថា ឯកឧត្តម លីខ្វាន់យូ ជាស្ថាបនិករបស់ប្រទេសសិង្ហបូរីនេះ បានទទួលមរណៈភាពកាលពីថ្ងៃទី២៣ខែមីនាកន្លងទៅ ក្នុងជន្មាយុ៩១ឆ្នាំ។ ឯកឧត្តម លីខ្វាន់ យូ បានកាន់តំណែងជានាយករដ្ឋមន្ត្រីទី១របស់សិង្ហបូរី អស់រយៈពេល៣ទសវត្ស មានចក្ខុវិស័យធ្វើឱ្យសកលលោកបានទទួលស្គាល់ គឺ ការប្រែក្លាយប្រទេសសិង្ហបូរីពីកោះមួយ ដែលពុំមានអ្វី
ឱ្យទទួលបានការរីកចំរើនមកដល់សព្វថ្ងៃ។ ក្នុងឋានៈប្រទេសកម្ពុជាដែលជាប្រទេសដំបូងបានទទួលស្គាល់សិង្ហបូរីនៅ ក្រោយពេលប្រកាសឯករាជ្យពីចក្រភពអង់គ្លេស ទំនាក់ទំនងរបស់កម្ពុជាជាមួយសិង្ហបូរី គឺមានភាពល្អប្រសើរណាស់។ នេះជាការសំដែងនូវសាមគ្គីភាព
ក៏ដូចជាចូលរួមរំលែកទុក្ខជាមួយរដ្ឋាភិបាល និងប្រជាជនសិង្ហបូរី ហើយក្នុងនោះ មានការចូលរួមពីប្រមុខរដ្ឋ ប្រមុខរដ្ឋាភិបាល ជាច្រើនប្រទេស ដែររួមមានប្រធានាធិបតីឥណ្ឌូនេស៊ី ,ប្រធានាធិបតីកូរ៉េខាងត្បូង ,ស្តេចរបស់ម៉ាឡេស៊ី,ប្រធានាធិបតីមីយ៉ាន់ម៉ា, នាយករដ្ឋមន្ត្រីឡាវ, វៀតណាម ,ថៃ,ជប៉ុន ,ឥណ្ឌា,អតីតនាយករដ្ឋមន្ត្រីសហរដ្ឋអាមេរិក ប៊ិល ក្លីនតុន, នាយករដ្ឋមន្ត្រីអូស្ត្រាលី , នាយករដ្ឋមន្ត្រីអង់គ្លេស,កាណាដា,អនុប្រធានាធិបតីចិន,រួមទាំងថ្នាក់ដឹកនាំសំខាន់ៗ មកពីប្រទេសផ្សេងៗជាច្រើនទៀត ៕
