ភ្នំពេញ៖ ដោយសារតែប្រមាណជា១ខែចុងក្រោយនេះ ចេះតែមានចោរកាត់សោរទ្វារយកទ្រព្យសម្បត្តិ ជាហេតុធ្វើឲ្យ អ្នកភូមិមានការប្រុងប្រយ័ត្ន ហើយដាក់វេណគ្នា ដើម្បីឃ្លាំចាំមើល ក៏ប្រទះឃើញក្រុមចោរ៣នាក់ដោយ២នាក់ ឈរចាំ នៅខាងក្រៅចំណែកម្នាក់ទៀតកំពុងផ្លោះ
របងចូលទៅក្នុងដីឡូត៍ ដែលនៅក្នុងនោះមានសុទ្ឋតែបន្ទប់ជួល សរុប១៦ បន្ទប់ នឹងមានមនុស្សស្នាក់នៅគ្រប់បន្ទប់ទាំងអស់ ។ ភ្លាមៗនោះអ្នកភូមិ ក៏ចាំមើលឃើញចោរខាងលើដើរសំដៅ ទៅ បន្ទប់ជួល១ដែលម្ចាស់អត់នៅហើយចាក់សោរខាងក្រៅបម្រុងកាត់សោរនោះ ឃើញដូចនោះពួកគាត់ក៏បាននាំគ្នា ឡោមព័ទ្ឋចាប់បានម្នាក់ រីឯ២នាក់ទៀតចាំមើលផ្លូវបានដាក់មេប្រូចបាត់ស្រមោលអស់ទៅ។ ហេតុការណ៍នេះ បានកើត ឡើងកាលពីវេលាម៉ោង១រំលងអធ្រាត្រ ឈានចូលថ្ងៃទី៣០ ខែមីនា ឆ្នាំ២០១៥ ស្ថិតក្នុងផ្ទះជួលក្នុងដីឡូត៍លេខ២៧B ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។ ជនសង្ស័យដែលអ្នកភូមិឡោមព័ន្ឋចាប់បានខាងលើមាន ឈ្មោះ ទូច ណារ៉ូ អាយុ១៦ឆ្នាំ មុខរបមិនពិតប្រាកដ ស្នាក់នៅក៏មិនពិតប្រាកដ។
តាមការអោយដឹងពីរស្ត្រីម្នាក់ឈ្មោះសម សុគន្ឋា អាយុ៤៣ ជាអ្នកមើលការខុសត្រូវនៅបន្ទប់ជួលក្នុងដីឡូត៍ ខាងលើ បានប្រាប់អោយដឹងថា ដោយសារតែមានការខឹងសម្បាពេក ព្រោះនៅក្នុងដីឡូត៍ខាងលើមានបន្ទប់ជួលរហូតដល់ ១៦បន្ទប់ ហើយក្នុងបន្ទប់ជួលនីមួយៗមានមនុស្សប្រុសស្រីស្នាក់នៅប្រមាណ៤ទៅ៥នាក់ ហើយប្រមាណជា១ខែ ចុងក្រោយនេះមានចោរផ្លោះរបងចូលកាត់សោបន្ទប់លួចយកទ្រព្យសម្បត្តិដូចជា ទូរស័ព្ទ កាបូបលុយ រួមទាំចានឆ្នាំង ជាញឹកញយពេកទើបធ្វើអោយអ្នកជួលបន្ទប់ទាំងនោះមានអារម្មណ៍ខឹងសម្បារយ៉ាងខ្លាំក ទើបនាំគ្នាដាក់វេណគ្នា យាមចាំឃ្លាំមើល ។ ស្រាប់តែនៅវេលាម៉ោង១រំលងអាធ្រាត្រ ក៏
ប្រទះឃើញក្រុមចោរវ័យក្មេង៣នាក់ដោយ២នាក់ ឈរចាំមើលផ្លូវខាងក្រៅ ចំណែកម្នាក់ទៀតបានផ្លោះរបងចូលក្នុងដីឡូត៍ រួចបានដើរសំដៅទៅបន្ទប់១ ដែលម្ចាស់អត់ នៅហើយចាក់សោរទ្វារខាងក្រៅ បំរុងកាត់សោរទ្វសរ ឃើញដូចនោះពួកគាត់បាននាំគ្នាស្រែកឆោរឡោហើយធ្វើការ ឡោមព័ន្ឋចាប់បានតែជនសង្ស័យម្នាក់ដែលផ្លោះរបងចូលកាត់សោរបន្ទប់ក្នុងដីឡូត៍ខាងលើបានហើយដោយប្រជា ពលរដ្ឋទាំងនោះឃើញក្មេងពេកក៏អាណិតខ្ចិលវ៉ៃ ទើបនាំគ្នាចាប់ចងស្លាបសេកទៅក្រោយ ហើយចងព្យួរជាប់ជាមួយ ដើមឈើ១ដើម ចំណែកជនសង្ស័យ២នាក់ទៀតដែលឈរមើលផ្លូវនៅខាងក្រៅបានដាក់មេប្រូចរត់គេចខ្លួនបាត់ ស្រមោលអស់ទៅ។ក្រោយពេលឃាត់ខ្លួនរួចនាំគ្នាចាប់ចងស្លាបសេកជនសង្ស័យខាងលើហើយក៏បានប្តឹងទៅសមត្ថកិច្ច ប៉ូលិសមូលដ្ឋាន មកទទួលយកជនសង្ស័យខាងលើទៅធ្វើកាសាកសួរនៅប៉ុស្តិ៍នគរបាលរដ្ឋបាលទឹកថ្លាដើម្បីចាត់ការ ទៅតាមនីតិវិធីច្បាប់ ៕
