កំពង់ធំ= ឯកឧត្តម បណ្ឌិត ជីវ កេង សមាជិកក្រុមប្រឹក្សាជាតិប្រឆាំងអំពើពុករលួយ និងជាអនុប្រធានតុលាការកំពូល និង លោកជំទាវ ឆាយ ស៊ីណា បានអញ្ជើញជាអធិបតីក្នុងពិធីសម្ភោធផ្លូវចូលវត្តឈូកដែល ស្ថិតនៅក្នុងឃុំសំបូរ ស្រុកប្រាសាទសំបូរ កាលពីព្រឹកថ្ងៃទី៣០ខែមីនា 
ឆ្នាំ២០១៥ ដោយមានចូលរួមពីមន្ត្រីរាជការនិងប្រជាពលរដ្ឋសិស្សានុសិស្សសរុប៤៥០នាក់។
បន្ទាប់ពី លោក ខៀវ ប៉ាង អភិបាលស្រុកប្រាសាទសំបូរ បានអានសន្ទរថាស្វាគមន៏ជាកិច្ចបើកកម្មវិធីនិងរាយការណ៍សង្ខេបស្តីពីការរីកចំរើននូវសមិទ្ធផលនានានៅក្នុងវត្តឈូក រួមជាមួយផ្លូវគ្រួសក្រហម១ខ្សែដែលបានសាងសង់រួចចូលមកកាន់ទីវត្តអារាមនេះ ដែលមានប្រវែង ៦៧០ម៉ែត្រ កម្ពស់១,៦០ម៉ែត្រ ខ្នងលើ៤,៥០ម៉ែត្រ ដាក់លូមុខកាត់០,៨០ម៉ែត្រចំនួន២កន្លែង ចំណាយថវិការសាងសង់អស់ ១២០០០ដុល្លា ជាថវិការរបស់ឯកឧត្តម ជីវ កេងនិងលោកជំទាវ ឆាយ ស៊ីណា ទទឹងនិងនោះឯឧត្តមជួយចាក់ដីបំពេឡទីធ្លាវត្ត អស់ថវិការ២០០០០០០រៀល។
ឯកឧត្តម បណ្ឌិត ជីវ កេង បានមានប្រសាសន៏ថា រំលឹកពីរបបប្រល័យពូជសាសន៏ ប៉ុល ពត ប្រជាពលរដ្ឋខ្មែររស់រងទុក្ខវេទនាត្រូវពួកវាវាយធ្វើបាប និងកាប់សម្លាប់ឥតមានត្រាប្រណី ចំណែកទីវត្តអារាមត្រូវគេវាយកំទេចចោល និងយកទៅធ្វើជាឃ្លាំងដាក់សម្ភារៈ ឬជាកន្លែងឃុំឃាំងមនុស្ស រហូតត្រូវបាន សម្ដេចទាំង៣ដឹកនាំរណសិរ្សរំដោះប្រទេសជាតិ រួមជាមួយកងទ័ពស្ម័គ្រចិត្តវៀតណាម ឲ្យរួចពីឋាននរកអវចីយ៏នេះ! លោកក៏សូមសម្តែង នូវការសប្បាយរីករាយឥតឧបមាចំពោះ ព្រះគ្រូចៅអធិការ លោកតាអាចារ្យ គណះកម្មការ ពុទ្ធបរស័តចំណុះជើងវត្ត ព្រមទាំងបងប្អូនប្រជាពលរដ្ឋទាំងអស់ ដែលមានសទ្ធា ជ្រះថ្លានៅក្នុង
ព្រះពុទ្ធសាសនា រួមគ្នាក៏សាងនូវសមិទ្ធិផលជាច្រើននៅក្នុងវត្តនេះ ដើម្បីតំកល់ទុកក្នុងព្រះ ពុទ្ធសាសនា!ក្នុងនោះដែរឯកឧត្តម និងលោកជំទាវ មានសទ្ធារជ្រះថ្លាបានចូលបច្ឆ័យ ចំនួន៣លានរៀលកសាងវត្ត ឧបត្ថម្ភ នគរបាលស្រុក និងឃុំ ១លានរៀល អាវុហត្ថ ៥០ម៉ឺនរៀល យោធា ៤០ម៉ឺនរៀល ពេទ្យ ៥០ម៉ឺនរៀល ប្រជាការពារ២០នាក់ ៤០ម៉ឺន គ្រូ២២នាក់ ម្នាក់២ម៉ីនរៀល៤៤ម៉ឺនរៀល លោកតា លោកយាយជាង៣៤០នាក់ក្នុងម្នាក់អាវ១ ថវិការ៥០០០រៀល ព្រមទាំងថវិការចំណាយផ្សេងៗ ក្នុងកម្មវិធី ចុងក្រោយគណអធិបតីអញ្ជើញកាត់ខ្សែបូរសម្ភោផ្លូវលំចូលមកកាន់វត្តឈូក ដាក់ឲ្យប្រើប្រាស់ជាផ្លូវការនូវសមិទ្ធិផលក្នុងវត្តចាប់ពីថ្ងៃនេះទៅ៕
ប៊ុនរិទ្ធី
