ភ្នំពេញ៖ នារីម្នាក់បានរងរបួសស្រាលខណៈរួបនាងបានជិះម៉ូតូស្កូបពីមួយគ្រឿងចេញពីរៀនក្នុងបំណងត្រលប់ ទៅផ្ទះត្រូវរថយន្តធុនធំបើកបត់មិនប្រយ័ត្នជ្រុលបុកនិងកិនបណ្តាលឲ្យម្ចាស់ម៉ូតូដួលខ្ទៀតចេញពីម៉ូតូរងរបួសស្រាលចំណែកម៉ូតូរងការខូចទាំងស្រុង។
ហេតុការណ៍នេះបានកើតឡើងកាលពីវេលាម៉ោង២០និង៣០នាទីយប់ ថ្ងៃទី៣០ ខែមិនា ឆ្នាំ២០១៥ នៅចំណុចមុខស្ថានីយ៍ប្រេងឥន្ទះសូគីម៉ិច តាមបណ្តោយផ្លូវវេងស្រេងកែងផ្លូវណតប្រីត ស្ថិតក្នុងសង្កាត់ស្ទឹងមានជ័យ ខណ្ឌមានជ័យ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញនារីម្នាក់ជិះម៉ូតូម៉ាកស្កូបពី ពណ៌ក្រហម ពាក់ស្លាកលេខភ្នំពេញ1BH-5426 ធ្វើដំណើរតាមបណ្តោយផ្លូវវេងស្រេង ក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានរថយន្តធុនធំមួយគ្រឿង ពណ៌ស្លែ ពាក់ស្លាកលេខព្រះសីហនុ 3A-0667 ធ្វើដំណើរស្របទិសគ្នាហើយបានបត់ស្តាំទៅផ្លូវណតប្រីតក៏ជ្រុលកិនម៉ូតូបណ្តាលឲ្យរងការខូចខាតទាំងស្រុង តែសំណាងល្អមិនម្ចាស់ម៉ូតូខ្ទៀតផុតកង់រថយន្តរងរបួសស្រាល។
ជនរងគ្រោះឈ្មោះ ផន ចន្ទ្រា ភេទស្រី អាយុ២៤ឆ្នាំ ជានិសិត្សឆ្នាំទី ស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។ក្រោយពេលកើតហេតុភាគីទាំងសងខាងបានសម្រសសម្រួលគ្នាដោយភាគីខាងរថយន្តបង្កបានចេញថ្លៃខូចខាតទៅលើម្ចាស់ម៉ូតូដើម្បីបញ្ចប់រឿងនៅកន្លែងកើតហេតុដោយមិនរំខានដល់សមត្ថកិច្ច៕
