បន្ទាយមានជ័យ ៖ បុរសដែលជាជនជាតិវៀតណាមម្នាក់ត្រូវបានកម្លាំងកងរាជអាវុធហត្ថខេត្តបន្ទាយមានជ័យធ្វើការឃាត់ខ្លួនបន្ទាប់ពីបាននាំយកបន្តោងរូបព្រះ និងបដិមាករ ចំនួនរាប់ពាន់ ចូលកម្ពុជា កាលពីថ្ងៃទី៣០ មីនា ២០១៥ ត្រង់ចំនុចភូមិ-សង្កាត់-ក្រុងប៉ោយប៉ែត ខេត្តបន្ទាយមានជ័យ ។
លោក ឱ បូរិន្ទ មេបញ្ជាការអាវុធហត្ថខេត្តបន្ទាយមានជ័យបានអោយដឹងថា បុរសជនជាតិវៀតណាមខាងលើមាន ឈ្មោះ វៀង ជិថាន់ អាយុ៤២ឆ្នាំ បាននាំបន្តោងរូបព្រះ និងបដិមាករតូច ៗ រាប់ពាន់ ពីប្រទេសថៃចូលកម្ពុជា ក្នុងគោលបំណងយកទៅលក់នៅប្រទេសវៀតណាម ហើយត្រូវបានកម្លាំងអាវុធហត្ថក្រុងប៉ោយប៉ែតដឹកនាំដោយលោកអនុសេនីយ៍ឯ ជា ដា មេបញ្ជាការអាវុធក្រុងប៉ោយប៉ែត ។
ជាមួយនិងការឃាត់ខ្លួននេះផងដែរលោក យ៉ុង តាំងគួយ ប្រធានមន្ទីរវប្បធម៌ខេត្តបន្ទាយមានជ័យ ក៏បានធ្វើការណែនាំជនជាតិវៀតណាមខាងលើថា បដិមាករ ដែលគេនាំចូលនេះវាខុសពីរចនាបទ បដិមាករកម្ពុជា ហើយច្បាប់គឺមិនអនុញ្ញតអោយធ្វើការនាំចូលនោះទេ ។ ក្រោយឃាត់ខ្លួន និងធ្វើការណែនាំជនជាតិវៀតណាមរូបនេះត្រូវបានដោះលេងអោយត្រលប់ទៅប្រទេសវិញ ៕
