ខេត្តបន្ទាយមានជ័យ៖ភ្លៀងខ្យល់កក់ខែអមទៅដោយខ្យល់ព្យុះមួយមេនៅរសៀលថ្ងៃទី៣១ខែមីនាឆ្នាំ២០១៥នេះបានធ្វើឲ្យប៉ះពាល់ដល់ផ្ទះប្រជាពលរដ្ឋជាច្រើនខ្នងហើយបានបណ្តាលឲ្យរបើកដំបូលអាគារប៉ុស្តិ៍នគរបាលរដ្ឋបាលស្រះជីកមួយខ្នងនៃអធិការដ្ឋាននគរបាលស្រុក
ភ្នំស្រុកខេត្តបន្ទាយមានជ័យ។ សេចក្តីរាយការណ៍ពីមន្ត្រីនគរបាលពីប៉ុស្តិ៍ស្រះជីកបានឲ្យដឹងថាបាតុភូតធម្មជាតិនេះបានកើតឡើងដោយមានភ្លៀងធ្លាក់អមដោយកម្លាំងខ្យល់បក់បោកយ៉ាងខ្លាំងហើយពេលនោះដំបូលរបស់ប៉ុស្តិ៍រដ្ឋបាលមួយខ្នងបើងរួមជាមួយការបាក់ដងទង់ជាតិ នៅខាងមុខប៉ុស្តិ៍ទៀតផង។អធិការដ្ឋានភ្នំស្រុកបានឲ្យដឹងបន្តថា ករណីខ្យល់ព្យុះរលំផ្ទះបានកើតឡើងនៅថ្ងៃទី៣១ខែមីនាឆ្នាំ ២០១៥ដោយមានភ្លៀងធ្លាក់ខ្លាំងខ្យល់ព្យុះបណ្តាលអោយរលំផ្ទះនិងរបើកដំបូលផ្ទះមានដូចខាង ក្រោម:១-ឈ្មោះហុកបូរិទ្ធ ភេទប្រុសអាយុ២៧ឆ្នាំនៅភូមិមាត់ស្រះឃុំស្រះជីកស្រុកភ្នំស្រុក រលកន្លែងវាយបាល់ ទាំងស្រុង ២-ឈ្មោះលី ម៉េងភេទប្រុស អាយុ៦០ឆ្នាំរលំផ្ទះទាំងស្រុង៣-ឈ្មោះសឿនសុភិនភេទប្រុស អាយុ២៧ឆ្នាំ របើកដំបូល ៤-ឈ្មោះជួប ពៅភេទប្រុស អាយុ៣៨ឆ្នាំ របើកជញ្ជាំង ៥-ឈ្មោះវ៉ាយ ប៉ិប ភេទប្រុស អាយុ៧០ឆ្នាំ របើកដំបូលទាំងស្រុង ៦-ប៉ុស្តិ៍នគរបាលរដ្ឋបាលស្រះជីក របើកដំបូលទាំងស្រុងទៀតផងលោកបានបន្តថាសូមប្រជាពលរដ្ឋទាំងអស់ឲ្យមានការប្រុងប្រយ័ត្នខ្ពស់ក្នុងបាតុភូតធម្មជាតិនេះប្រយ័ត្នមានគ្រោះថ្នាក់ដល់ជីវិតព្រោះឆ្នាំនេះគ្រោះថ្នាក់ធម្មជាតិវាកាចសាហាវណាស់៕គង្គា
