ខេត្តបន្ទាយមានជ័យ៖កម្លាំងប៉េអឹមក្រុងប៉ោយប៉ែតបានចុះឃាត់ខ្លួនបុរសជនជាតិវៀតណាមម្នាក់ពាក់ព័ន្ធករណីនាំយកបន្តោងរូបព្រះពីប្រទេសថៃយកឆ្លងកាត់ខេត្តបន្ទាយមានជ័យយកទៅលក់នៅប្រទេសវៀតណាម។ការឃាត់ខ្លួនបុរស់ជួញដូរបន្តោងព្រះពុធនោះនៅវេលាម៉ោង
៩ព្រឹកថ្ងៃទី៣០ខែមីនាឆ្នាំ២០១៥ នៅភូមិ ប៉ោយប៉ែត្រសង្កាត់ប៉ោយប៉ែត្រ ក្រុងប៉ោយប៉ែត ខេត្តបន្ទាយមានជ័យ។ លោកជាដាមេបញ្ជាការប៉េអឹមក្រុងប៉ោយប៉ែតបាននិយាយថា ជនសង្ស័យមានឈ្មោះ ង្វៀងធីថាន់អាយុ៤២ឆ្នាំរស់នៅប្រទេសវៀតណាម។លោកជាដាបានបន្តថាមូលហេតុនៃការឃាត់ខ្លួនជនសង្ស័យនេះដោយសារជននេះនាំចូលរូបចម្លាក់មិនមែនរចនាបថជាខ្មែរដែលក្រសួងវប្បធម៌និងវិចិត្រសិល្បៈហាមនាំចូលមកប្រើប្រាស់ឬគោរពសក្ការៈក្នុងកម្ពុជា។ ក្រោយពីបញ្ជូនមកទីបញ្ជាការអាវុធហត្ថខេត្តរួចមកសមត្ថកិច្ចក៏បានធ្វើការអប់រំនិងធ្វើកិច្ចសន្យាលើជននេះហើយបានដោះលែងទៅវិញ។
ប៉ុន្តែវត្ថុតាងបន្តោងទាំងអស់ត្រូវរឹបអូសហើយប្រគល់ឲ្យមន្ទីរវប្បធម៌និងវិចិត្រសិល្បៈខេត្តរក្សាទុក។ លោកយ៉ង់តាំងគួយប្រធានមន្ទីវប្បធម៌និងវិចិត្រសិល្បៈខេត្តបន្ទាយមានជ័យ បាន អោយដឹងថាបន្តោងរូបព្រះដែលរឹបអូសបានពីជនសង្ស័យរួមមានៈ ១រូបព្រះព្រហ្មពណ៌ប្រាក់ ២៨រូប ២. រូបព្រហ្មទឹកមាស ១៦ រូប ៣.ព្រះពុទ្ធទ្រង់គ្រឿងធំ៩រូប ៤. បន្តោងរូបព្រះពុទ្ធ មានត្បូងជុំវិញ.រូបតូចមានចំនួន១៩០ រូបធំ៤៥ រូប ៥. រូបព្រះពុទ្ធពណ៌ទឹកមាសខៀវប្រក់នាគបន្តោង៩២និងពណ៌ទឹកប្រាក់៩៥ព្រះពុទ្ធសមាធិទឹកប្រាក់បន្តោង៩៨ ៦ រូបព្រះម្កុជរាជសំរាប់ខ្ទាស់ពណ៌ក្រហម១៤២និងព្រះម្កុជរាជសម្រាប់ខ្ទាស់ពណ៌ខៀវទឹកប៊ិច១៣៧៦.ព្រះពុទ្ធទ្រង់គ្រឿងពណ៌ប្រាក់ ស្រោបបន្តោង ៩៨. និង៧ រូបព្រះពុទ្ធសមាធិ ពណ៌ទឹកមាស អត់ស្រោប ១៩៦ និងរូបព្រះពុទ្ធពណ៌ចម្រុះជាច្រើនទៀត៕ គង្គា
