បុរសវ័យកណ្តាលម្នាក់ មានកូនក្នុងបន្ទុកដល់ទៅ៧នាក់ បានដេកស្លាប់នៅលើអង្រឹង ដែលចងនៅក្រោមផ្ទះរបស់ខ្លួន ត្រូវបានក្រុមគ្រួសារ និងញាតិជិតខាង ប្រទះឃើញបង្កឲ្យមានការភ្ញាក់ផ្អើល ហើយបានរាយការណ៍ប្រាប់សមត្ថកិច្ច ដើម្បីចុះទៅពិនិត្យ និងធ្វើកោសល្យវិច័យ ។
សមត្ថកិច្ចនគរបាល ដែលចុះទៅពិនិត្យ បានឲ្យដឹងថា ជនរងគ្រោះ មានឈ្មោះ អ៊ឹម ប្រាក់ ភេទប្រុស អាយុ៥០ឆ្នាំ ជនជាតិខ្មែរ រស់នៅក្នុងភូមិព្រៃឪម៉ាល់ សង្កាត់រលាប ក្រុងខេត្តពោធិ៍សាត់ មានកូនក្នុងបន្ទុកចំនួន៧នាក់ ។
ក្រុមគ្រួសារសព បានឲ្យដឹងថា កន្លងមក និងជាប្រចាំ ជនរងគ្រោះតែងតែហូបស្រាស្រវឹងរាល់ថ្ងៃ ហើយគាត់មានជំងឺប្រចាំកាយ ដូចជាលើសឈាម និងជំងឺស្ទះបេះដូង ដូច្នេះការស្លាប់ របស់ជនរងគ្រោះ គឺអាចបណ្តាលមកពីខ្យល់គរ ព្រោះគ្មានស្លាកស្នាមអ្វី គួរឲ្យកត់សម្គាល់នោះទេ ៕
