ហេតុការណ៍គ្រោះអគ្គីភ័យមួយ បានឆាបឆេះឃ្លាំងស្តុបស្រាបៀរ លីអូ បង្កឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ច ហៅរថយន្តពន្លត់អគ្គីភ័យ មកអន្តគមន៍ កាលពីវេលាម៉ោង២១និង៣០នាទីយប់ ថ្ងៃទី៣១ ខែមិនា ឆ្នាំ២០១៥ នៅតាមបណ្តោយផ្លូវលេខ២៤២ ស្ថិតក្នុងសង្កាត់បឹងរាំង ខណ្ឌដូនពេញ ។
តាមសាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញមានផ្សែងហុយចេញពីក្នុងឃ្លាំង ផ្នែកខាងក្រោយ និងមានអណ្តាយភ្លើង ឆេះចេញមកក្រៅ ដោយឃើញដូចនោះបុគ្គលិកដែលនៅខាងក្នុង ក៏នាំគ្នាយកបំពង់ពន្លត់អគ្គីភ័យ បាញ់អស់ជាច្រើនបំពង់អគ្គីភ័យនៅមិនទាន់អាចគ្រប់គ្រងបាន ។
បន្ទាប់មកសមត្ថកិច្ចមូលដ្ឋាន បានហៅរថយន្តពន្លត់អគ្គីភ័យ របស់អធិការខណ្ឌដូនពេញចំនួន១គ្រឿង មកអន្តរាគមន៍ ទើបអាចគ្រប់គ្រងអគ្គីភ័យបាន ក្នុងរយះពេល១០នាទីក្រោយ។
សមត្ថកិច្ចបានបញ្ជាក់ថា ទាក់ទិននិងករណីគ្រោះអគ្គីភ័យខាងលើនេះប ណ្តាលមកពីឆ្លងចរន្តអគ្គីសនី តែសំណាងល្អ មិនរីករាល់ដាល់ដល់ផ្ទះប្រជាពលរដ្ឋ ដែលនៅក្បែរនោះទេ ដោយសារតែមានអន្តរាគមន៍ពីប្រជាពលរដ្ឋនិងសមត្ថកិច្ចមកជួយទាន់ពេលវេលា ៕
