នារី២នាក់បានស្រវឹងស្រាជោគជាំ បានបើករថយន្តសេរីទំនើបមួយគ្រឿង ក្នុងល្បឿនលឿនរ៉េចង្កូតទៅបុកបើកឈើនៅខាងមុខផ្ទះ និងជ្រុលរៈម៉ូតូ៤គ្រឿង ថែមទាំងបុកអង្គរក្ស ដែលឈរយាមនៅខាងមុខផ្ទះបណ្តាលឲ្យរងរបួសធ្ងន់២នាក់ទៀត ។
ហេតុការណ៍នេះ បានកើតឡើង កាលពីវេលាម៉ោង២និង១០នាទីទាបភ្លឺ ថ្ងៃទី១ ខែមេសា ឆ្នាំ២០១៥ នៅតាមបណ្តោយផ្លូវលេខ២៦៨ ស្ថិតក្នុងសង្កាត់ចតុមុខ ខណ្ឌដូនពេញ ។
យោងតាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញនារី២នាក់ បើករថយន្តសេរីទំនើបមួយគ្រឿង ពាក់ស្លាកលេខ ភ្នំពេញ 2AE-1113 ធ្វើដំណើរតាមបណ្តោយផ្លូវលេខ២៦៨ ក្នុងទិសដៅពីកើតទៅលិច ក្នុងល្បឿនលឿន និងរ៉េពេញផ្លូវ ខណៈ
មកដល់ចំណុចកើតហេតុ ស្រាប់តែជ្រុលទៅបុកអង្គរក្ស ដែលឈយាមនៅខាងមុខផ្ទះសម្តេច បណ្តាលឲ្យរងរបួសធ្ងន់២នាក់ ហើយជ្រុលបុក ដើមឈបាក់អស់មួយដើម រថយន្តនៅមិនទាន់អស់ល្បឿន ក៏ជ្រុលបុករៈម៉ូតូចំនួន៤គ្រឿងទៀត ទើបរថយន្តទៅមុខលែងរួច ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះ ដឹកទៅសង្គ្រោះនៅមន្ទីរពេទ្យភ្លាមៗ ចំណែករថយន្តបង្ក រួមទាំងម្ចាស់រថយន្ត ត្រូវបានសមត្ថកិច្ចយកទៅរក្សាទុក នៅការិយាល័យចរាចរណ៍ជើងគោក ដើម្បីរងចាំដោះស្រាយនៅពេលក្រោយ ៕
