ដោយសារតែពូក គេជិះម៉ូតូ២គ្រឿងបុកគ្នាពេញទំហឹង នៅចំណុចមុខមន្ទីរពេទ្យ មិត្តភាពខ្មែរសូវៀត តាមបណ្តោយផ្លូវលេខ២៧១ ស្ថិតក្នុងសង្កាត់ ទំនប់ទឹក ខណ្ឌចំកាមន កាលពីវេលាម៉ោង២២និង៣០នាទីយប់ ថ្ងៃទី៣១ ខែមិនា ឆ្នាំ២០១៥។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញ ប្រុសស្រី២នាក់ជិះម៉ូតូមួយគ្រឿង ម៉ាកស្មាស់ ពណ៌ខ្មៅ ពាក់ស្លាក លេខតាកែវ 1H-1147 ធ្វើដំណើរតាមបណ្តោយផ្លូវលេខ២៧១ ក្នុងទិសដៅពីត្បូងទៅជើង ក្នុងល្បឿនខណៈមកដល់ចំណុចកើតហេតុ ស្រាប់តែមានយុវជនម្នាក់ ជិះម៉ូតូសេ១២៥ ពណ៌ខ្មៅ ពាក់ស្លាកលេខ ភ្នំពេញ 1CQ-3640 ធ្វើដំណើរក្នុងទិសដៅពីជើងទៅត្បូង ហើយបានបត់ទៅក្រោយវិញ ក៏ត្រូវបានម៉ូតូ
ស្មាស់ចាប់ហ្វាំងមិនទាន់ បានជ្រុលបុកពេញទំហឹង បណ្តាលឲ្យមនុស្សប្រុសទាំង២នាក់ រងរបួសធ្ងន់ ចំណែកនារីដែលអង្គុយខាងក្រោយ របួសស្រាល រីឯម៉ូតូទាំង២គ្រឿង បានរងការខូចខាតយ៉ាងដំណំ ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះ ដឹកទៅសង្គ្រោះ នៅមន្ទីរពេទ្យភ្លាមៗ ចំណែកម៉ូតូ សមត្ថកិច្ចបានធ្វើការវាស់វែង យកទៅរក្សាទុកនៅអធិការដ្ឋាននគរបាល ខណ្ឌចំការមន ដើម្បីរងចាំដោះស្រាយពេលក្រោយ៕
