បន្ទាយមានជ័យៈ បុរសម្នាក់ត្រូវបានអាវុធហត្ថខេត្តបន្ទាយមានជ័យ ឃាត់ខ្លួនកាលពីរសៀលថ្ងៃទី៣១ មីនា ២០១៤ យកមកសាកសួរ បន្ទាប់ពីទាលុយថ្លៃជំពាក់ ពីអ្នកប្រើប្រាស់ថ្នាំញៀនមិនបានប្រើហឹង្សាវាយ យកម៉ូតូជាថ្នូរ អោយសងលុយ៥ពាន់បាត ។
លោក សៅ សាន្ត ប្រធានស្នាក់ការអាវុធហត្ថ ៨៨៨ ប្រចាំបឹងត្រកួនបានអោយដឹងថា ដោយទទួលបានពាក្យបណ្តឹងពីឈ្មោះ ពៅ សីហា ភេទប្រុស អាយុ២៨ឆ្នាំ រស់នៅភូមិអណ្តូងខ្លុង ឃុំគោរលៀត ស្រុកថ្មពួក ខេត្តបន្ទាយមានជ័យ ដែលជននេះទើបតែចេញពីមណ្ឌលកែប្រែបន្សាបសារធាតុញៀន កាលពីពាក់កណ្តាលខេត្តមីនា បានមកដាល់ពាក្យបណ្តឹងថា ឈ្មោះ សុខ ចាន់ ភេទប្រុស អាយុ៤៤ ឆ្នាំរស់នៅឃុំជាមួយគ្នា ពេលដែលខ្លួនកំពុងតែជិះម៉ូតូហុងដា បានយកដង
អំបោសធ្វើពី ឬស្សីវាយមកលើខ្លួន ធ្វើខ្លួនរត់ចោលម៉ូតូ ហើយជននេះបានយកម៉ូតូរបស់ខ្លួនទៅទុកនៅផ្ទះមួយយប់ទើបប្រគល់អោយប៉ូលីស ដើម្បីទាលុយពីខ្លួន ៥ពាន់បាត ។ ជាមួយនិងពាក្យបណ្តឹ និងតាមការបញ្ជាពីលោក ឱ បូរិន្ទ មេបញ្ជាការអាវុធហត្ថខេត្ត សមត្ថកិច្ចបានឃាត់ខ្លួនជនសង្ស័យឈ្មោះ សុខ ចាន់ បញ្ជូនមកអាវុធហត្ថខេត្ត ដើម្បីសាកសួរ ។
លោក ឱ បូរិន្ទ មេបញ្ជាការអាវុធហត្ថខេត្តបន្ទាយមានជ័យបានអោយដឹងថា ករណីនេះផ្តើមចេញពីរឿងចែកចាយគ្រឿងញៀន របស់ឈ្មោះ សុខ ចាន់ អោយទៅឈ្មោះ ពៅ សីហា ប្រើប្រាស់ យូណាស់មកហើយពុំទទួលបានលុយ ថ្លៃថ្នាំញៀនតាំងពីមុន ពៅ សីហា ត្រូវបានចូលមណ្ឌលកែប្រែបន្សាបសារធាតុញៀន លុះពេលឈ្មោះនេះចេញទៅវិញ ជននេះបានអោយថ្នាំញៀនទៅ ពៅ សីហា ប្រើប្រាស់បានម្តងទៀត តែ ពៅ សីហា ឈប់ប្រើប្រាស់ទើបកើតចេញជាអំពើហឹង្សាវាយឈ្មោះ ពៅ សីហា ទាលុយថ្លៃជំពាក់ ។
លោកបានបន្តទៀតថា ជនឈ្មោះ សុខ ចាន់ តាមការរាយការណ៍ គឺជាមុខសញ្ញាចែកចាយគ្រឿញៀន ដោយតែងតែលួងលោមអោយយុវជនក្នុងភូមិប្រើប្រាស់គ្រឿញៀន បើអត់លុយអោយជំពាក់ ។បច្ចុប្បន្នសមត្ថកិច្ចកំពុងតែសួរនាំជនទាំង២ ហើយនិងកសាងសំនុំរឿងបញ្ជូនទៅតុលាការចាត់ការតាមនីតិវិធីច្បាប់
