បីទសវត្សរ៍បន្ទាប់ពីធ្វើរដ្ឋប្រហារ យោធាដណ្ដើមគ្រប់គ្រងអំណាច លោក Muhammadu Buhari បានក្លាយជា ជននីហ្សេរីយ៉ាដំបូងគេបំផុតដែល ធ្វើឱ្យប្រធានាធិបតីចុះចេញពីអំណាច តាមរយៈសន្លឹកឆ្នោត ។ ពីពេលនេះត ទៅលោកជាអ្នកទទួលបន្ទុកដោះស្រាយ បញ្ហាវិបត្ដិ
សេដ្ឋកិច្ចប្រទេសក្នុងតំបន់ អាហ្វ្រិកដ៏ធំមួយនេះ ក៏ដូចជាការត្រួស ត្រាយផ្លូវដ៏រដិបរដូបឆ្ពោះទៅរករបប លទ្ធិប្រជាធិបតេយ្យផងដែរ ។នៅពេលដែលលទ្ធផលបោះឆ្នោតជិត ដល់វេលាប្រកាសជាផ្លូវការ ប្រធានា ធិបតី Goodluck Jonathan របស់ នីហ្សេរីយ៉ាបានបញ្ជាក់ទៅកាន់លោក Buhari ថា លោកទទួលស្គាល់ការបរា ជ័យនេះដែលជារឿងមួយមិនធ្លាប់នឹក ស្មានដល់ ក៏ដូចជាការកាត់បន្ថយដល់ ការខឹងសម្បា ពុំសុខចិត្ដពីសំណាក់ក្រុម អ្នកគាំទ្រលោក Jonathan ផងដែរ ។នៅភាគខាងជើងទីក្រុង Kaduma ក្រុមអ្នកគាំទ្រលោក Buhari បានដង្ហែ ក្បួនអបអរសាទរនៅតាមដងផ្លូវ រាំរែក ស្រែកច្រៀង និងគ្រវីទង់ជាតិយ៉ាងកង រំពងសាទរដល់ជ័យជម្នះមេដឹកនាំដែល ពួកគេពេញចិត្ដ ។
លោក Buhari ទទួលបានសំឡេង ឆ្នោត១៥.៤លានសន្លឹក ។ ចំណែកលោក Jonathan វិញ ទទួលបានសំឡេងគាំទ្រ តែ១៣.៣សន្លឹកប៉ុណ្ណោះ ក្នុងចំណោម ពលរដ្ឋនីហ្សេរីយ៉ាជាង១៧៣លាននាក់។លោកBuhari បានធ្វើរដ្ឋប្រហារ យោធាដណ្ដើមអំណាចនៅក្នុងឆ្នាំ១៩៨៣ ប៉ុន្ដែនៅពេលដែលលោកដឹកនាំប្រទេស បានរយៈពេល១៨ខែ ក៏ត្រូវមេទ័ពផ្សេង ទៀតធ្វើរដ្ឋប្រហារវិញ ។ ចាប់តាំងពី ពេលនោះមក លោកBuhari បានប្រកាស ប្ដេជ្ញាប្រែក្លាយគោលនយោបាយដឹកនាំ របស់ខ្លួនតាមរបបលទ្ធិប្រជាធិបតេយ្យ។ លោកបានចាញ់រាល់ការបោះឆ្នោតនា ពេលកន្លងមក ។ ប៉ុន្ដែលោក Buhari មិនបានបោះបង់ចោលនោះឡើយ ហើយ នៅពេលចុងក្រោយនេះ លោកទទួលបាន ជ័យជម្នះភ្លូកទឹកភ្លកដីតែម្ដង ។
លោក Buhari បានសម្ដែងការអរ គុណចំពោះលោក Jonathan ដែល សុខចិត្ដប្រគល់អំណាចដោយសន្ដិវិធី ។ លោក Buhari បានហៅលោក Good-luck Jonathan ថា ជាវីរបុរសរបស់ នីហ្សេរីយ៉ា និងជាបុគ្គលដែលគួរឱ្យ គោរព ។
តាមច្បាប់របស់នីហ្សេរីយ៉ា ការ ប្រគល់អំណាចនឹងត្រូវធ្វើឡើងនៅថ្ងៃទី ២៩ ខែមេសា ។
លោក Jonathan មកពីគណបក្ស ប្រជាជាតិប្រជាធិបតេយ្យ(PDP)បាន ដឹកនាំប្រទេសចាប់តាំងពីរបបយោធា ដួលរលំក្នុងឆ្នាំ១៩៩៩មកម្ល៉េះ ។ ប៉ុន្ដែ ការដឹកនាំរបស់គណបក្ស PDP មួយរយៈ ពេលចុងក្រោយនេះធ្វើឱ្យបាត់បង់សំឡេង ដោយសាររឿងអាស្រូវពុករលួយក្នុង វិស័យថាមពល ក៏ដូចជាការញាំញីសន្ដិ សុខជាតិពីសំណាក់ក្រុមឧទ្ទាមបូកូហា រ៉ាមស្ថិតនៅភាគខាងជើងប្រទេស ហើយ រដ្ឋាភិបាលអសមត្ថភាពនៅក្នុងការដោះ ស្រាយផងដែរ
