ភ្នំពេញ ៖ បុរសម្នាក់បានចេញពីធ្វើ ការនៅរោងចក្រ ហើយជិះម៉ូតូតែម្នាក់ ឯងក្នុងល្បឿនលឿន ក៏បានចាប់ហ្វ្រាំង បណ្ដាលឱ្យដួលបោកក្បាលចូលក្រោម រថយន្ដអគ្គិសនីស្លាប់ភ្លាមៗយ៉ាងអណោច អធ័ម ។ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវោលម៉ោង១០
ព្រឹក ថ្ងៃទី១ ខែមេសា ឆ្នាំ២០១៥ តាម បណ្ដោយផ្លូវណតប្រ៊ីត ស្ថិតក្នុងភូមិ ស្លែងរលើង សង្កាត់ទឹកថ្លា ខណ្ឌសែនសុខ។សមត្ថកិច្ចបានឱ្យដឹងថា ជនរងគ្រោះ មានឈ្មោះ ហយ អ៊ាម ភេទប្រុស អាយុ ២៣ឆ្នាំធ្វើការនៅរោងចក្រព្រិនធឺងជេល ខេមបូឌា ។ បច្ចុប្បន្នស្នាក់នៅម្ដុំផ្សារ ដីហុយ និងមានស្រុកកំណើតនៅភូមិ ត្រញំងធំ ឃុំស្រងែ ស្រុកព្រៃឈរ ខេត្ដ កំពង់ចាម ។
ដោយឡែកអ្នកបើកបររថយន្ដមាន ឈ្មោះ សុខ សាវុធ ភេទប្រុស អាយុ៥២ ឆ្នាំ ជាមន្ដ្រីអគ្គិសនី ស្នាក់នៅភូមិចំរើន ផល សង្កាត់បឹងទំពុន ខណ្ឌមានជ័យ ។
បើតាមប្រភពព័ត៌មានពីកន្លែងកើត ហេតុបានឱ្យដឹងថា នៅមុនពេលកើត ហេតុ គេឃើញជនរង្រេគាះបានជិះម៉ូតូ មួយគ្រឿងម៉ាកហុងដាសេ១២៥ ស៊េរីឆ្នាំ ២០១៤ ពណ៌ខ្មៅ ពាក់ស្លាកលេខ ភ្នំពេញ 1CI-7981 បើកបរក្នុងទិសដៅពីត្បូងទៅ ជើងក្នុងល្បឿនលឿន លុះមកដល់ចំណុច កើតហេតុ គេជនរងគ្រោះបានចាប់ ហ្វ្រាំងបោកចូលក្នុងរថយន្ដអគ្គិសនីផ្ទប់ កង់ស្លាប់ភ្លាមៗនៅនឹងកន្លែង ។
បើតាមការឱ្យដឹងពីមិត្ដភក្ដិជនរង គ្រោះដែលធ្វើការនៅក្នុងរោងចក្រជា មួយគ្នាបានឱ្យដឹងថា កាលពីយប់មិញ ជនរងគ្រោះនិងរូបគាត់បានធ្វើការនៅ រោងចក្រខាងលើថែមម៉ោង១យប់ទល់ ភ្លឺ លុះដល់ម៉ោងសម្រាកក៏នាំគ្នាជិះម៉ូតូ ចេញទៅផ្ទះដែលស្នាក់នៅម្ដុំផ្សារដីហុយ ហើយពួកគាត់ក៏បានជិះម៉ូតូទៅផ្ទះមុន មានគ្នា២នាក់ ដោយឡែកជនរងគ្រោះ ជិះម៉ូតូតែម្នាក់ឯង ។ មួយសន្ទុះក្រោយ មកក៏មានគេទូរស័ព្ទមកប្រាប់ថា មិត្ដ ភក្ដិរបស់គាត់បានគ្រោះថ្នាក់ចរាចរណ៍ ស្លាប់បាត់ទៅហើយ ។
បើតាមសម្ដីអ្នកបើកបររថយន្ដបាន ឱ្យដឹងថា រូបគាត់បានបើករថយន្ដម៉ាក ហ្វ័ដ ពណ៌ខ្មៅ ពាក់ស្លាកលេខរដ្ឋ ១៣-២ ០៣៤៩ ដោយបើកបរក្នុងទិសដៅពីជើង ទៅត្បូង ក្នុងទិសដៅបញ្ច្រាសទិសគ្នា ។ លុះមកដល់ចំណុចកើតហេតុ គាត់បាន ឃើញជនរងគ្រោះចាប់ហ្វ្រាំងម៉ូតូបោកដួលចូលក្រោមរថយន្ដ ខណៈនោះរូប គាត់បានព្យាយាមបើកគេចដែរ តែ គេចមិនផុត ជនរងគ្រោះបោកក្បាល ផ្ទប់កង់រថយន្ដបណ្ដាលឱ្យស្លាប់តែម្ដង ។
ក្រោយកើតហេតុ ក៏មាននគរបាល ចរាចរណ៍ចុះមកវាស់វែង ហើយបាន នាំយករថយន្ដនិងម៉ូតូទៅការិយាល័យ ចរាចរណ៍ជើងគោករាជធានីភ្នំពេញ ។ ចំណែកសាកសពបានប្រគល់ឱ្យក្រុម គ្រួសារយកទៅធ្វើបុណ្យតាមប្រពៃណី ៕
