កំពង់ឆ្នាំង៖ឈើកកោះប្រភេទលេខមួយចំនួន៤សន្លឹកធំៗដែលក្រុមឈ្មួញលបលួចដឹកបង្កប់ពីក្រោមគ្រឿងសង្ហារិមដឹកឆ្លងកាត់ខេត្តកំពង់ឆ្នាំង ត្រូវបានកំលាំងនគបាលការិយាលយ័ប្រឆាំងបទល្មើសសេដ្ឋកិច្ចឃាត់ស្ទាក់ចាប់បានភ្លាមៗ នៅវេលាម៉ោង៩និង១០នាទីព្រឹកថ្ងៃទី០១ ខែមេសា ឆ្នាំ២០១៥ នៅលើកំណាត់ផ្លូវជាតិលេខ៥ ស្ថិតនៅខាងមុខសាលាស្រុករលាប្អៀរ ខណះដែលគេកំពុងធ្វើដំណើរឆ្ពោះចូលទៅទីក្រុងភ្នំពេញ។ប្រភពពីសមត្ថកិច្ចដែលបានស្ថិតក្នុងការបង្ក្រាបខាងលើបាននិយាយអោយដឹងថា៖រថយន្តដែលត្រូវបានសមត្ថកិច្ចបង្ក្រាបបាននោះម៉ាក អ៊ី ស៊ុយ ស៊ុយ ពណ៍ស្ករ ពាក់ស្លាកលេខ ពោធិសាត់ ២អា ០៩០៦ បើកបរដោយឈ្មោះ ប៉មវិចិត្រ អាយុ៣៨ឆ្នាំ រស់នៅក្នុងស្រុកភ្នំក្រវ៉ាញ ខេត្តពោធិសាត់។
លោកវរះសេនីយ៍ទោ ជិន សុផាត ប្រធានការរិយាលយ័ប្រឆាំងបទល្មើសសេដ្ឋកិច្ចខេត្តកំពង់ឆ្នាំងបាននិយាយអោយដឹងថា៖នៅមុនពេលឈានដល់ការបង្ក្រាបបានរថយន្តដឹកឈើខាងលើ កំលាំងរបស់លោកបានទទួល ពត៏មានជាក់លាក់ ទើបខាងលោកបានរាយកាណ៍ជូនលោកស្នងការនគបាលខេត្តនិងសុំការអនុញ្ញាតិពីលោកព្រះរាជអាជ្ញាបញ្ចេញកំលាំងតាមស្ទាក់ចាប់បាន ហើយនាំយកមកកាន់ស្នងការនគបាលខេត្ត ធ្វើការត្រួតពិនិត្យនិងបានប្រគល់ អោយទៅខណ្ឌរដ្ឋបាលព្រៃឈើទាំងមនុស្សទាំងវត្ថុតាង ដើម្បីធ្វើការរក្សាទុកនិងកសាងឯកសារ បញ្ជូនបន្តទៅសាលាតំបូងខេត្ត ចាត់ការតាមនិតិវិធីច្បាប់។
គួរបញ្ជាក់ផងដែរថា៖នៅវេលាម៉ោង៥និរ៣០នាទីល្ងាចថ្ងៃទី៣១ ខែមិនា ឆ្នាំ២០១៥ រថយន្តដឹកឈើធំៗចំនួន២គ្រឿងត្រូវបានកំលាំងសង្កាត់រដ្ឋាលព្រៃឈើក្រាំងស្គារនិងប្រជាការពារភូមិបានស្ទាក់ចាប់បាន និងរក្សារទុកនៅសង្កាត់រដ្ឋបាលព្រៃឈើក្រាំងស្គារ រង់ចាំកសាងឯកសារ បញ្ជូនមកខណ្ឌ័រដ្ឋបាលព្រៃឈើ ដើម្បីកសាងបន្តទៅសាលាតំបូងខេត្តចាត់ការតាមផ្លូវច្បាប់។កន្លងមកនេះមានការស្ទាក់ចាប់រថយន្តដឹកឈើបាន២គ្រឿងនៅខណ្ខ័រដ្ឋបាលព្រៃឈើកំពង់ឆ្នាំង មកដល់ពេលនេះនៅមិនទាន់ត្រូវបានធ្វើការដោះលែងនៅឡើយទេ ករណីខាងលើនេះទំនងជាមានការកាច់កុងគ្នានៅក្នុងការរកស៊ីដឹកឈើនៅក្នុងតំបន់ក្តុល ឃុំក្រាំងស្គារ ស្រុកទឹកផុស ដែលមានសុទ្ធតែឈ្មួញជើងខ្លាំងៗដែលមានអ្នកច្បាប់និងអ្នកមានអំណាចនៅពីក្រោយខ្នង ក្នុងរបរ រកស៊ីដឹកឈើនៅចំណុចខាងលើនេះផងដែរ៕
