ខេត្តបន្ទាយមានជ័យ
នៅល្ងាចថ្ងៃទី២ខែមេសាឆ្នាំ២០១៥នៅសាលាខេត្តបន្ទាយមានជ័យសាលប្រជុំ ខ បានបើកកិច្ចប្រជុំផ្សព្វផ្សាយស្តីពីច្បាប់ការគ្រប់គ្រងអាជីវកម្មមណ្ឌលកម្សាន្តទេសចរណ៍មនុស្សពេញវ័យ ប្រភេទអាជីវកម្ម ខារ៉ាអូខេ និងក្លឹបរង្គសាល ផ្ទះសំណាក់និងភោយនីយ៍ដ្ឋានជាដើម។ពិធីនេះ
មានការចូលរួម លោកគោស៊ុំសារឿត អភិបាលខេត្តបន្ទាយមានជ័យ អ្នកស្រីចាន់ថេងអភិបាលក្រុងសិរីសោភ័ណ លោកជង់ឡឹមប្រធានមន្ទីរទេសចរណ៍ខេត្តបន្ទាយមានជ័យ និងម្ចាស់អាជីវកម្មចំនួន១០០នាក់បានចូលរួមផងដែរ។ក្នុងកិច្ចប្រជុំនោះលោកជង់ឡឹមបានលើកឡើងអំពីបញ្ហាប្រឈមនិងអានច្បាប់ស្តីអំពីធ្វើអាជីវកម្មដល់ម្ចាស់អាជីវកម្មនៅក្នុងខេត្តបន្ទាយមានជ័យថា មន្ត្រីជុំនាញទេសចរណ៍នៅក្នុងខេត្តត្រូវចុះត្រួតពិនិត្យទីតាំងដោយផ្ទាល់មើល លក្ខខណ្ឌក្នុងការធ្វើអាជីវកម្មឲ្យដិតដល់ដើម្បីរក្សា សន្តិសុខ សណ្តាប់ធ្នាប់សុវត្តិភាព ជូនភ្ញៀវទេសចរណ៍ឲ្យបានល្អ។ លោកបានបន្តថាក្នុងករណីទីតាំងអាជីវកម្មរង្គសាល ឌីស្កូតែកនិងបៀរហ្កាឌិនត្រូវចាប់ដំណើរការអាជីវកម្មរបស់ខ្លួនចាប់ពីម៉ោង៦ដល់
ម៉ោង១២យប់មិនត្រូវបង្ករំខានដល់ មន្ទីរពេទ្យ សាលារឿន និងការរស់នៅរបស់ប្រជាពលរដ្ឋឡើយ។អាជីវកម្ម មានមណ្ឌលកម្សាន្ត ទេសចរណ៍មនុស្សពេញវ័យ ប្រភេទអាជីវកម្មខារា៉អូខេ ក្លឹប រង្គសាលនិងផ្ទះសំណាក់ជាដើមត្រូវគោរពច្បាប់បទប្បញ្ញត្តិជាធរមានត្រូវគោរពប្រពៃណី ទំនាមទំលាប់និងមិនត្រូវចូលរួមធ្វើសកម្មភាពណាមួយដែលបំពានធ្វើឲ្យខូចប្រពៃណីនិងវប្បធម៍ជាតិឡើយ។មិនត្រូវធ្វើអាជីវកម្មដែលបង្កឲ្យមានការប្រមូលផ្តុំក្មេងទំនើងនិងឲ្យសិស្សគេចពីសាលារៀននិងអនិតីជននិងគ្រឿងផ្ទុះចូលក្នុងទីតាំងធ្វើអាជីវកម្មនិងត្រូវរក្សាការពារសន្តីសុខ សុវត្តិភាពសណ្តាប់ធ្នាប់សាធារណៈដើម្បីបង្កលក្ខណៈងាយស្រួលដល់ភ្ញៀវដែលចូលមកកម្សាន្ត។លោកបានបន្តថាមិនត្រូវចូលរួមធ្វើសកម្មភាពណាមួយដែលពាក់ពន្ធ័ទៅនិងការជួញដូនិងការប្រើប្រាស់គ្រឿងញៀនការជួញដូរនិងការបង្ខាំងមនុស្សការជួញដូផ្លូវភេទនិងការផ្សព្វផ្សាយរូបភាពនិងសម្ភារៈអាសអាភាសជាដើម។លោកគោស៊ុំសារឿតក៏បានមានប្រសាសន៍ដែរថាម្ចាស់ ផ្ទះសំណាក់ សណ្ឋាគា មណ្ឌលកម្សាន្ត ទេសចរណ៍មនុស្សពេញវ័យ ខារ៉អូខេ រង្គសាល ឌីស្កូតែកត្រូវចូលរួមចំណែកទប់ស្កាត់ផលប៉ះពាល់ក្នុងវិស័យទេសចរណ៍ត្រូវរាយការជាបន្ទាន់ដល់សមិត្តកិច្ចក្នុងករណីសង្ស័យថាមានបទល្មើសការជួញដូរនិងការប្រើប្រាស់គ្រឿងញៀនជួញដូរមនុស្សបង្ខាំងមនុស្សការញួញដូេកុមារអាជីវកម្មផ្លូវភេទនិងរូបអាសអាភាសជាដើមដើម្បីរក្សាឲ្យបានវប្បធម៍ ប្រពៃណីនិងសេចក្តីថ្លៃថ្នូររបស់ជាតិយើងឲ្យបានផូរផង់៕
