បាត់ដំបង=កាលពីរពេលកន្លងមកខាងពត៏មានយើងបានចុះផ្សាយអំពីបញ្ហារ(ផ្ទះខារ៉ាអូខេ)ចំនួន៤កន្លែងស្ថិតនៅក្នុងភូមិព្រែកព្រះស្តេច សង្កាត់ព្រែកព្រះស្តេច ក្រុង និងខេត្តបាត់ដំបង ដែល បានបើកឲ្យសិស្ស នាំគ្នាគេចសាលាចូលមកច្រៀងយ៉ាងពពាក់ពពូន ជាហេតុធ្វើឲ្យមាន
បញ្ហារ ដល់សង្គមជាតិ បាត់បង់ធនធានមនុស្ស ទំពាំងស្នងឭស្សី មិនអាចលូតលាស់ទៅមុខបាន។
បន្ទាប់ពីបណ្តាពត៏មាននានាចុះផ្សាយជាច្រើនលើករួចមកឯកឧត្តមច័ន្ទ សុផល អភិបាល នៃគណះអភិបាលខេត្តបាត់ដំបង បានឲ្យអាជ្ញាធរក្រុងបាត់ដំបង សហការណ៍ជាមួយសមត្ថកិច្ចចុះពិនិត្យ និងបិទឈប់ឲ្យមាន(ខារ៉ាអូខេ)នេះ។
ប៉ុន្តែក្រោយពីក្រុមអ្នកពត៏មានបានទទួលពត៏មាន ពីក្រុមប្រជាពលរដ្ឋដែលជាអាណាព្យាបាល សិស្សថានៅចំណុចផ្ទះ(ខារ៉ាអូខេ)ខាងលើនៅតែបន្តបើកឲ្យសិស្សចូលច្រៀង ធ្វើឲ្យសិស្សនាំគ្នាគេចសាលាមកពពាក់ពពូនច្រៀង(ខារ៉ាអូខេ)ខាងលើនេះដដែល អាជ្ញាធរហាក់បីដូចជាមិនមានចំណាត់ការអ្វីទាល់តែសោះ។
បន្ទាប់ពីបានទទួលដំណឹងនេះពីក្រុមប្រជាពលរដ្ឋអ្នកយកពត៏មានបានចុះទៅសង្កេតមើលខ្លាចក្រែងមិនពិតព្រោះអាជ្ញាធរ ក្រុងទើបតែបិទ(ខារ៉ាអូខេ)ខាងលើព្រមទាំងបានឃាត់ខ្លួនសិស្សដែលមកចូលច្រៀងទៀតផង ហើយនៅពេលក្រុមអ្នកពត៏មានយើងទៅពិនិត្យមើលរយះពេល៣ថ្ងៃគឺថ្ងៃច័ន្ទ៣០ និងថ្ងៃអង្គារទី៣១ ខែមិនា និងថ្ងៃពុធទី០១ ខែមេសា ឆ្នាំ២០១៥នេះក៍មានឃើញសិស្សចូលច្រៀងដដែលហើយក្រុមអ្នកពត៏មាន បានថតរូបហើយសាកសួរទៅលើម្ចាស់ ផ្ទះ(ខារ៉ាអូខេ)ទាំងនោះហើយម្ចាស់ផ្ទះនិមួយៗបានអះអាងថា=បានសុំច្បាប់ពីចៅសង្កាត់ រហូតទៅដល់អាជ្ញាធរក្រុង និងមានមន្ត្រីជំនាញរបស់មន្ទីទេសចរណ៍ចូលរួមត្រួតពិនិត្យផងដែរ ក្រុមម្ចាស់ផ្ទះ(ខារ៉ាអូខេ)ទាំងនោះបន្តថាខាងអាជ្ញាធរ និងជំនាញតំរូវ
បងលុយផ្ទះដែលមានបន្ទប់(ខារ៉ាអូខេ)ចាប់ពីរ៥ចុះបងលុយក្នុងមួយឆ្នាំ៤ម៉ឺនរៀល ហើយផ្ទះណាមានបន្ទាប់ច្រៀង (ខារ៉ាអូខេ)ចាប់ពីរ៥បន្ទាប់ឡើងគឺបង់លុយក្នុងមួយឆ្នាំ៨០ម៉ឺនរៀល។
ពាក់ព័នបញ្ហារនេះលោកស៊ាង ឯមហ្វូនហ្ស៊ី អភិបាលក្រុងបាត់ដំបង បានប្រាប់តាមទូរស័ព្ទថា ផ្ទះបើក(ខារ៉ាអូខេ)ទាំងនេះបានសុំច្បាប់មកដល់សាលាក្រុង តាមរយះសង្កាត់រួចរាល់ហើយ និងមានមន្ទីពាក់ព័នចូលរួមសហការណ៍ត្រួតពិនិត្យផងដែរ ហើយម្យ៉ាងនៅឆ្ងាយពីសាលាដែរ ហើយចំពោះបញ្ហារថាបង់លុយឲ្យអាជ្ញាធរក្រុងគឺគ្មានទេ ប្រហែលជាបងឲ្យទៅមន្ទីពាក់ព័ន ឬមួយយ៉ាងណាលោកមិនដឹងទេ លោកអភិបាលក្រុងបន្តថាហេតុអ្វីបានជាអ្នកពត៏មាន នាំគ្នា មកដេញដោលអីតែផ្ទះ(ខារ៉ាអូខេ)តូចតាចនិង ចុះក្លឹមកំសាន្ត ហាង(ខារ៉ាអូខេ)ធំៗដែលនៅជិត សាលាផ្សេងមិចមិននាំគ្នាទៅថតផ្សាយផងទៅ។
ចំណែកលោកអ៊ិចអ៊ំ ភីនីសារ៉ា ប្រធានមន្ទីទេសចរណ៍ខេត្តបាត់ដំបង បានប្រាប់ថាខាងលោក មិនបានតម្រូវឲ្យផ្ទះ(ខារ៉ាអូខេ)បង់លុយទេគ្រាន់តែរួមសហការណ៍ជាមួយអាជ្ញាធរក្រុងចុះពិនិត្យផលប៉ះពាល់តែប៉ុណ្ណោះ ហើយបើថាបង់លុយមកខាងមន្ទីទេសចរណ៍យើងត្រូវពិនិត្យលើ អាជ្ញាប័ន អាជីវកម្ម។
បើទោះជាយ៉ាងណាក្រុមប្រជាពលរដ្ឋបានរិះគន់ថាផ្ទះ(ខារ៉ាអូខេ)នេះនៅឃ្លាតពីរបងសាលា វិទ្យាល័យនេតយ៉ង់ ប្រហែលមិនដល់១៥០ម៉ែត្រទេ ចុះហេតុអ្វីបានជាអាជ្ញាធរអនុញ្ញាតិឲ្យបើក បន្ត ឬមួយកន្លែងនេះមានចំណូលសេដ្ឋកិច្ចខ្ពស់៕
8
