ខេត្តកំពង់ចាម: គ្រោះថ្នាក់ចរាចរមួយកើតឡើងកាលពីវេលាម៉ោង៣និង៣០នាទីរំលងអាធ្រាតឈានចូលថ្ងៃទី២ ខែមេសា ឆ្នាំ២០១៥ បង្កឡើងដោយរថយន្តយីឌុប១គ្រឿងពណ៍ខៀវពាក់ស្លាកលេខ ភ្នំពេញ3B-7852.ដែលបានដឹកទំនិញ ដែកសីុម៉ង៍និងអីវ៉ាន់ចាប់ហួយពេញប្រៀប 
ក្នុងទិសដៅពីភ្នំពេញ-កំពង់ចាម។លុះមកដល់កន្លែងកើតហេតុ ត្រង់ចំណុចចុងសួនច្បារផ្លូភ្លោះ ក្បែរង្វង់មូលនាគពន្ធ័ ស្ថិតក្នុងភូមិបឹងស្នាយ សង្កាត់សំបួរមាស ក្រុងកំពង់ចាម ក៏បានរេចង្កូតឡើងសួនច្បារ បុករះខូចខាតប្រវែង១០ម៉ែត្រនិងបុកបាក់បង្គោលភ្លើង១ដើម ចំណែករថយន្តបង្ករក៏បានរងការខូចខាតយ៉ាងដំណំបងដែរ។តានប្រភពពត៍មានពីសម្មត្ថកិច្ចបានឲដឹងថា រថយន្តបង្ករហេតុជាកម្មសិទ្ធរបស់ឈ្មួញឈ្មោះ ហ៊ាង នៅក្រុងកំពង់ចាម ចំណែកតៃកុងជាអ្នកបើកបរ ក្រោយកើតហេតុបានរត់គេចខ្លួនបាត់ ហើយករណីនេះត្រូវបានជំនាញដាក់ការសង្ស័យថាបណ្តាលមកពីអ្នកបើកបរងងុយដេកមួយភាំង៕
