កំពង់ឆ្នាំង៖ដីដាំដំណាំនិងសង់ខ្ទមរស់នៅចំនួន៥៥ហិកតារបស់ប្រជាពលរដ្ឋ១០គ្រួសារ នៅចំណុចខ្សាច់ពូនភូមិក្រសាំងដុះឡើង ឃុំក្បាលទឹក ស្រុកទឹកផុស តាមបណ្តឹងរបស់លោកនាយខណ្ឌ័រដ្ឋបាលព្រៃឈើកំពង់ឆ្នាំងត្រូវបានលោក ឈួរ ច័ន្ទឌឿន អភិបាលខេត្តកំពង់ឆ្នាំង
ចេញសេចក្តីប្រកាសដកហូត លេខ២៦៤ សជណ ចុះថ្ងៃទី២៧ ខែមិនា ឆ្នាំ២០១៥រក្សា
ទុកជាដីព្រៃរបស់រដ្ឋ ដោយតម្រូវអោយប្រជាពលរដ្ឋទាំង១០គ្រួសារ រុះរើខ្ទមរបង និងដំណាំចេញអោយអស់ក្នុងរយៈពេល៣០ថ្ងៃ គិតពីថ្ងៃទី២៣.០៣.២០១៥ ដល់ថ្ងៃទី២៣.០៤.២០១៥ ហួសថ្ងៃកំណត់នេះអាជ្ញាធរខេត្តនិងចាត់ការតាមច្បាប់ដោ យមិនទទួលខុសត្រូវរាល់ការខូតខាតនោះឡើយ។
យោងសេចក្តីប្រកាសជូនដំណឹងនេះ នៅព្រឹកថ្ងៃទី០១.០៤.២០១៥ លោក ថោង វ៉ាន់វីរ៉ាវុឌ្ឍី នាយស្តីទីខណ្ឌ័រដ្ឋបាលព្រៃឈើកំពង់ឆ្នាំង ជាសមាជិកក្រុមកាងារថ្នាក់ខេត្ត បានយកសេច្តីប្រកាសនោះទៅផ្សព្វផ្សាយជូនលោក គង់ ប៊ុនធឿន
និងលោកស្រី អ៊ុន ណាវី តំណាងប្រជាពលរដ្ឋជាម្ចាស់ដីទាំង១០គ្រួសារបានជ្រាប និងដើម្បីអនុវត្តន៍ប្រកាសដកហូតដី។
នៅព្រឹកថ្ងៃទី០១.០៤.២០១៥នេះដែរ លោក គង់ ប៊ុនធឿន និងលោកស្រី អ៊ុន ណាវី ជាម្ចាស់ដីនិងជាតំ ណាងប្រ ជាពលរដ្ឋម្ចាស់ដីទាំង៩គ្រួសារទៀតបានបង្ហាញឯកសារពាក់ព័ន្ធក្នុងរឿងទំនាស់ដីធ្លីខាងលើនេះ និងបាននិយាយទម្លាយរឿងអាស្រូវរបស់អាជ្ញាធរស្រុក ខេត្ត និងមន្ត្រីរដ្ឋបាលព្រៃឈើអោយដឹងថា៖ដីខាងលើនេះលោកនិងភរិយា ត្រូវបានលោ ក ម៉ា ហ៊ីម មេឃុំក្បាលទឹកចាស់បែងចែកដីអោយប្រជាពលរដ្ឋទូទៅមួយចំនួន និងបែកចែកអោយពួកគាត់ចំនួន១០គ្រួ សារបានធ្វើលិខិតសុំកាន់កាប់ដីធ្លី រួមនិងលោកនៅឆ្នាំ២០០១ គឺជាថ្នូរនិងការសាងសង់អាគារមួយខ្នងអោយគណៈបក្សប្រជាជនឃុំក្បាលទឹក។
នៅក្នុងឆ្នាំ២០០២ពេលពួកគាត់នាំគ្នាធ្វើស្មៅដាំដំណាំ មានមន្ត្រីរដ្ឋបាលព្រៃឈើម្នាក់និយាយប្រាប់លថា បើចង់បានដីនេះអោយលុយគេ៣ពាន់ដុល្លាមកបើមិនអោយទេថ្ងៃក្រោយគេប្តឹងដកហូតដីនេះហើយ តែពេលនោះលោកមិនបានអោយគេឡើយ។នៅឆ្នាំ២០១២ ក្រុមហ៊ុនតាកាវបានលួចឈូសឆាយព្រៃក្នុងដីនេះលើកធ្វើជាព្រុំព័ទ្ធយកដីរបស់គាត់ ដោយគាត់ដឹងថា ដីនេះអាជ្ញាធរបានលួចលក់អោយក្រុមហ៊ុមតាកាវរួចហើយ។
ក្រោយមកនៅឆ្នាំ២០១២ ពេលគាត់និងប្រពន្ធមកដាំដើមស្វាយនិងធ្វើខ្ទមស្នាក់នៅ កម្មករនិងសន្តិសុខក្រុមហ៊ុនតាកាវបានមកដេញពួកគាត់អោយចេញពីដីនេះចំនួន៤ដង ថាបើមិនចេញទេនឹងដឹងគ្នាហើយ។បន្ទា ប់មកនៅថ្ងៃទី០៧. ១៩.២០១២ លោក ស៊ិន កុសល នាយខណ្ឌ័រដ្ឋបាលព្រៃឈើខេត្ត ក៏បានប្តឹងទៅតុលាការខេត្តថាពួកគាត់លួចឈូសឆា យនិងកាន់កាប់ដីព្រៃខុសច្បាប់ និងប្តឹងសុំដកហូតដីនេះថាជាដីព្រៃរបស់រដ្ឋ។ប៉ុន្តែក្រោយតុលាការបានស្រាវជ្រាវសំណុំរឿងអស់រយៈ៦ខែមក លោកព្រះរាជអាជ្ញាសា លាដំបូងខេត្តបានចេញដីកាតម្កល់រឿងទុកឥតចាត់ការ ដោយយល់ថាឃើញថា ដីនេះលោកមេឃុំក្បាលទឹកបែងចែកអោយកាន់កាប់ដោយស្របច្បាប់មិនបានលួចឈូសឆាយកាន់កាប់ដូចការប្តឹងរបស់នាយខណ្ឌ័រដ្ឋបាលព្រៃឈើនោះឡើយ។
លោក គង់ ប៊ុនធឿន និងលោកស្រី អ៊ុន ណាវី ជាភរិយាបាននិយាយអោយដឹងទៀតថា៖នៅក្នុងរឿងដីធ្លីនេះទោះ
បីពួកលោកបានសុំអន្តរាគមន៍ពីថ្នាក់លើ ដោយមានលិខិតអន្តរាគមន៍ពីឯកឧត្តម ហូ សិទ្ធី នាយកខុទ្ទ កាល័យសម្តេចនា យករដ្ឋមន្ត្រី លេខ១៥៣២ ចុះថ្ងៃទី២៣.១១.២០១២ និងលិខិតអន្តរាគមន៍ លេខ៥០៥ ចុះថ្ងៃទី០១.០៤ .២០១៤ របស់ឯកឧត្តម អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ ជម្រាបមកអាជ្ញាធរខេត្តហើយក៏ដោយក៏លោកអភិបាលខេត្តនិងរដ្ឋបាលព្រៃឈើខេត្តមិនបានដោះស្រាយរឿងដីធ្លីនេះដោយយុត្តិធម៌ទេ គឺនៅខាំដី៥៥ហិកតានេះមិនមិនអោយរហូតឡើយ ព្រោះថាដីធ្លីនៅជុំវិញដីរបស់លោក ត្រូវបានគេចេញបណ្ណ័កម្មសិទ្ធអោយអស់ហើយ តែដីរបស់ដែលក្រុមហុមតាកាវឈូសអស់ព្រៃហើយនៅតែជាប់ជាដីព្រៃរបស់រដ្ឋដដែល។ដោយឡែកដីកាដកហូតដី លេខ៤៦ ចុះថ្ងៃទី០៧.០៤.២០០៩ របស់លោកអភិបាលខេត្តចាស់ ទូច ម៉ារីម គឺដលហូតដីចំណុចផ្សេង មិនមែនដកហូតដីនៅចំណុចរបស់ពួកគាត់កាន់កាប់នោះទេ។មិនតែប៉ុណ្ណោះ អាជ្ញាធរខេត្ត ស្រុកបានបង្ខំអោយលោក ម៉ា ហ៊ីម មេឃុំក្បាលទឹកចាស់ផ្តឹតមេដៃសុំលាលែងតំណែងពីមេឃុំទាំងយប់កណ្តាលយប់ព្រោះតែដកដីពីគាត់អោយខេត្តមិនបាន ធ្វើអោយលោក ម៉ា ហ៊ីម ឈឺចិត្តរហូតដល់ស្លាប់ខ្លួន។ករណីខាងលើនេះពួកលោកនិងប្តឹងទៅសម្តេច ប្តឹងទៅអង្គភាពប្រឆាំងអំពើពុករលួយអោយជួយដោះស្រាយជាបន្តទៀតដើម្បីផ្តល់ភាពយុត្តិធម៌ដល់ពួកគាត់ និងវែកមុខជនពុករលួយធ្លាប់ធ្វើបាបប្រជាពលរដ្ឋ លោកអភិបាលស្រុក និងលោកអធិការនគរបាលស្រុកចាស់ក៏ជារឿងលក់ដីស្រុកទឹកផុសនេះដែរ៕
