ខេត្តប៉ៃលិន៖ បុរសម្នាក់បានរងរបួសធ្ងន់ ខណៈរូបគាត់ជិៈម៉ូតូមកពីលេងផ្ទះមិត្តភ័ក្ត ដល់ផ្លូវចូលផ្ទះហើយ ស្រាប់តែមានជនមិនស្កាល់អត្តសញ្ញណជិៈម៉ូតូមួយគ្រឿងទៀតមានគ្នា៣នាក់ មកកាប់ បណ្តាលឲ្យរងរបួសតែម្តង ។ ហេតុការណ៏ជិៈម៉ូតូដេញកាប់ខាងលើ បានកើតឡើង
កាលពីវេលាម៉ោង៨និង០០នាទីយប់ ថ្ងៃទី៣១ ខែមិនា ឆ្នាំ២០១៥ ស្ថិតនៅជិតផ្ទះជនរងគ្រោះ ក្នុងភូមិក្រចាប់ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
ជនរងគ្រោះឈ្មោះ ផាត ចាន់ណា ភេទប្រុស អាយុ២៦ឆ្នាំ ជាកម្មករ ស៊ីដាំដំឡូងមី មានស្រុកកំណើតភូមិសាលាបាឡាត់ សង្កាត់ឪម៉ាល់ ក្រុងបាត់ដំបង ខេត្តបាត់ដំបង រងរបួសក្បាលដេរ១៨ថ្នេរ ស្នាក់នៅភូមិ/ឃុំកើតហេតុខាងលើ ។
ប្រភពព័ត៌មានពីកន្លែងកើតហេតុ បានឲ្យដឹងថា៖ មុនពេលកើតហេតុជនរងគ្រោះ បានទៅផឹកស៊ីនៅផ្ទះមិត្តភ័ក្ត ហើយក៏ត្រលប់មកវិញ លុះមកដល់ផ្លួវចូលផ្ទះស្រាប់តែលេចចេញម៉ូតូមួយគ្រឿងជិៈគ្នា៣នាក់ ប្រដាប់ដោយកាំបិត ដេញកាប់បុរសរងគ្រោះចំពីរកាំបិត ដោយពីក្រោយមួយកាំបិត ហើយមួយកាំបិតទៀត ត្រួវចំពីមុខ បណ្តាលឲ្យបុរសរងគ្រោះរបួសធ្ងន់សន្លប់និងកន្លែង ។ ប្រភពព័ត៌មានបន្តថា៖ ក្រោយពីសន្លប់ជនរងគ្រោះ បានងើបឡើងវិញរួចហៅប្រពន្ធឲ្យជួយ ហើយក៏មានការភ្ញាក់ផ្អើលដល់អ្នកក្នុងភូមិ នាំគ្នាមកជួយដែរ ,នៅពេលដែលលឺអ្នកភូមិស្រែកឡូឡា ជនសង្ស័យក៏ជិៈម៉ូតូគេចខ្លួនបាត់ស្រមោល ។
បើតាមប្រភពព័ត៌មានពីជនរងគ្រោះ បានរៀបរាប់ថា៖មុនពេលកើតហេតុរូបគេ បានសុំប្រពន្ធទៅលេងផ្ទះមិត្តភ័ក្ត នៅភូមិពេជ្រគីរី លុះពេលទៅដល់ក៏ឃើញមិត្តភ័ក្ត និងអ្នកភូមិជូបជុំគ្នាផឹកស្រា ពួកគេក៏ទទូលស្វាគមន៏មយយកែវម្នាក់ ។ ប្រភពព័ត៌មានបន្តទៀតថា៖ ក្រោយមករូបគេក៏ស្រវឹងស្រា សុំមិត្តភ័ក្តមកផ្ទះវិញ ដោយសារតែផ្លួវមកផ្ទះវាឆ្ងាយ លុះជិៈម៉ូតូឡើងមកដល់ផ្លូវជាតិលេខ៥៧ ស្រាប់តែងងឹត ក៏មានម៉ូតូមួយគ្រឿងជិៈគ្នា៣នាក់ បានវ៉ាម៉ូតូជនរងគ្រោះ លុះមកដល់ផ្លូវចូលផ្ទះយប់ងងឹត ជនរងគ្រោះក៏ឈប់ម៉ូតូ ពេលនោះត្រួវជនមិនស្កាល់អត្តសញ្ញណលួចកាប់ពីក្រោយមួយកាំបិត ក៏ដួល ប៉ុន្តែជនរងគ្រោះបានងើបឡើងវិញ ពួកជនបង្ក បានកាប់មួយកាំបិតទៀតចំពីមុខ បណ្តាលឲ្យជនរងគ្រោះសន្លប់បាត់ស្មារតី ។
ស្ត្រីឈ្មោះ សឿន ស្រីមុំ អាយុ២៣ឆ្នាំ ត្រួវជាប្រពន្ធបុរសរងគ្រោះ បានឲ្យដឹងថា៖ ប្តីរបស់គាត់មិនដែលមានរឿងអ្វីជាមួយអ្នកណាទេ ហើយនៅថ្ងៃកើតហេតុ ប្តីរបស់គាត់ត្រួវបានគេលួចកាប់ចំនួន២កាំបិត ក៏សន្លប់និងកន្លែង បន្ទាប់មកក៏ដឹងខ្លួនឡើងវិញ ស្រែកហៅរូបគាត់និងអ្នកភូមិឲ្យជួយ រួចក៏ដឹកបញ្ជូនមកសង្គ្រោះនៅមន្ទីរពេទ្យបង្អែកខេត្តប៉ៃលិនតែម្តង ។ចំពោះរឿងកាប់ប្រហានេះ រូបគាត់មិនបានដាក់ពាក្យប្តឹងទៅសមត្ថកិច្ចនោះទេ ព្រោះរូបគាត់មានការភ័យខ្លាច ៕
