ខេត្តសៀមរាប៖ កម្លាំងនគរបាល ប្រឆាំងបទល្មើស សេដ្ឋកិច្ច នៃស្នងការនគរបាល ខេត្តសៀមរាប នៅព្រឹកម៉ិញនេះ បានចុះបើក នូវទីតាំង អាជីវកម្ម ឡនំបុ័ង ១កន្លែង យីហោបន្លឺព្រះអាទិត្យ ក្រោយបិទបានរយះពេល៤ថ្ងៃ។ហេតុការណ៍ នគរបាលប្រឆាំងបទល្មើសសេដ្ឋកិច្ច 
ចុះបើកឲ្យអាជីវកម្មឡនំបុ័ង ដំណើការឡើងវិញនេះ ធ្វើឡើង នៅព្រឹកថ្ងៃទី២មេសាឆ្នាំ២០១៥ ស្ថិតនៅ យីហោពន្លឺថ្មី ក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ដឹកនាំដោយ លោកវរសេនីយ៍ឯក សឿនសេន នាយការិយាល័យ ប្រឆាំងបទ ល្មើស សេដ្ឋកិច្ច ខេត្តសៀមរាប រួមនិង មន្ត្រីសាខាកាំកុងត្រូល ខេត្តសៀមរាប និងមន្ត្រីមន្ទីរឧស្សាហកម្មនិងសិប្បកម្ម ខេត្តសៀមរាបផងដែរ ។ ក្នុងម្ចាស់អាជីវកម្ម ឡនំបុ័ង ត្រូវបាន នគរបាល បង្ហើបឲ្យដឹង ឈ្មោះថា គីស៊ូឡុង ភេទប្រុស មានវ័យជាង៣០ឆ្នាំ។លោកវរសេនីយ៍ឯក សឿន សេន នាយការិយាល័យ ប្រឆាំងបទល្មើសសេដ្ឋកិច្ច នៃស្នងការ នគរបាល ខេត្តសៀមរាប បានឲ្យដឹងថា ការចុះមកនេះគឺដើម្បីបើក ឲ្យដំណើការ អាជីវកម្ម ឡនំបុ័ង យីហោបន្ឡឺព្រះអាទិត្យ ឡើងវិញ ក្រោយបិទបានរយះពេល៤ថ្ងៃ។
លោកនាយការិយាល័យ បន្ថែមថា ការបើកឲ្យដំណើការនេះ គឺមានការឯកភាពពីរមន្ទីរ ឧស្សាហកម្ម និងសិប្បកម្ម ជាពិសេស មានចំណារឯកភាព ពីរលោក តំណាង អយ្យការ អម សាលាដំបូង ខេត្តសៀមរាបផងដែរ។លោកនាយការិយាល័យ បញ្ជាក់ថា ទីតាំងឡនំបុ័ង ដែលសមត្ថកិច្ចចុះ មកបើកវិញនេះគឺក្រោយ មន្ទីរពិសោធ៍ នៃក្រសួង ឧស្សាហកម្ម និងសិប្បកម្ម បានពិនិត្យ ឡាបូ ថា នំបុ័ង របស់ យីហោ បន្លឺព្រះអាទិត្យ ពុំមានជាតិពុលនោះទេ។សូមបញ្ជាក់ថា កាលពីរថ្ងៃទី ២៩មីនាឆ្នាំ២០១៥ កម្លាំងនគរបាល ប្រឆាំងបទល្មើស សេដ្ឋកិច្ច នៃស្នងការនគរបាល ខេត្តសៀមរាប បានចុះត្រួតពិនិត្យ នូវទីតាំង អាជីវកម្ម ឡនំបុ័ង ១កន្លែង យីហោ បន្លឺព្រះអាទិត្យ ក្រោយពីរមាន ប្រជាពលរដ្ឋ ជាង៥៤២នាក់ រស់នៅឃុំពង្រលើ ស្រុកជីក្រែង ខេត្តសៀមរាប បានពុល នំបុ័ង នោះ។នំប៉័ង សាច់ប៉ាតេទាំងនោះ ត្រូវបានអង្គការទស្សនៈពិភពលោក ចែកជូនអ្នកភូមិ នៅពេលប្រារព្ធទិវាប្រឆាំងពលកម្មកុមារ ដែលបានធ្វើឡើង នៅសាលាបឋមសិក្សា ចេក ឃុំពង្រលើ ស្រុកជីក្រែង ខេត្តសៀមរាប កាលពីរសៀលថ្ងៃទី២៧មីនា។
លោកវរសេនីយ៍ឯកសឿន សេន នាយការិយាល័យ ប្រឆាំងបទល្មើស សេដ្ឋកិច្ច បានឲ្យដឹងថា ការចុះមកត្រួតពិនិត្យនេះ គឺគ្រាន់តែ រកច្បាប់ និងយកនំបុ័ង ទៅពិសោធ៍ នៅ ឡាបូ ដោយមិនមានការចោទប្រកាន់ ថាប្រជាពលរដ្ឋទាំងនោះពុលដោយសារនំបុ័ងនោះទេ ។
