ភ្នំពេញ ៖ រប្រាំងពុះចែកទ្រុងផ្លូវបានបាក់អស់៥កង់ខណៈដែល រថយន្ដឡុចស៊ីស៤៧០ មួយគ្រឿង បើកដោយបុរសស្រវឹងម្នាក់ ក្នុងល្បឿនលឿន ក៍ជ្រុលចង្កូតទៅបុកយ៉ាងពេញទំហឹង ហេតុការនេះបានកើតឡើងកាលពីវេលាម៉ោង១ និង៤០នាទីយប់ឈានចូល ថ្ងៃទី០៤ ខែមេសាឆ្នាំ២០១៤
ត្រង់ចំណុចក្លិបហ៊ិបភី ស្ថិតក្នុងសង្កាត់ចង្រែលើ ខណ្ឌមានជ័យ ។
យោងទៅតាមសាក្សីដែលនៅកន្លែងបានអោយដឹងថា មុនពេលកើតគេឃើញរថយន្ដឡុចស៊ីស៤៧០ មួយគ្រឿង ពណ៏ខ្មៅ ពាក់ស្លាកលេខ ភ្នំពេញ 2F .3798 បើកដោយបុរសស្រវឹងម្នាក់ បានធ្វើដំណើរតាមបណ្ដោយផ្លូវជាតិលេខ ២ ក្នុងទិសដៅពីត្បូងទៅជើង ក្នុងល្បឿនយ៉ាងលឿន ខណៈដែលទៅដល់ចំណុចកើតហេតុខាងលើ ជិះរេពេញផ្លូវ ក៏ជ្រុលចង្កូតទៅរប្រាំងពុះចែកទ្រុងផ្លូវ យ៉ាងពេញមួយទំហឹង បណ្ដាលអោយរង់ការខូតខាតបាក់អស់៥កង់ ហើយរថយន្ដរង់ការខូចខាតភ្នែកខាងមុខស្ទីរទាំងស្រុង ដោយរថយន្ដជាប់នៅលើរប្រាំងពុះចែកទ្រុងផ្លូវបើកទៅមុខលែងរួច។
ក្រោយកើតហេតុ សមត្ថកិច្ចបានស្ទូចយករថយន្តបង្កខាងលើ យកទៅរក្សាទុកនៅការិយាល័យចរាចរណ៍ ជើងគោករាជធានីភ្នំពេញ ដើម្បីធ្វើការដោះស្រាយតាមផ្លូវច្បាប់៕
