បាត់ដំបង=យ៉ាងហោចក៍មានយុវជនម្នាក់បានស្លាប់ភ្លាមៗនៅនិងកន្លែងកើតហេតុនិងយុវជនពីរនាក់បានរងរបួសធ្ងន់នៅក្នុងហេតុការណ៍គ្រោះថ្នាក់ចរាចរណ៍មួយរវាងម៉ូតូ និងម៉ូតូកាលវេលាម៉ោង១២និង១៥នាទីយប់រំលងអត្រាតឈានចូល ថ្ងៃទី០៣ ខែមេសា ២០១៥ នៅចំណុច
រង្វង់មូល(រូបសំណាកសេះស)ស្ថិតនៅក្នុងភូមិព្រែកមហាទេព សង្កាត់ស្វាយប៉ោ ក្រុង និងខេត្តបាត់ដំបង ជិះម៉ូតូ(មាកឆាលី)ពណ៍ខៀវគ្មានផ្លាកលេខ។
ជនរងគ្រោះដែល(ស្លាប់)មានឈ្មោះឌុច ណារិន្ទ(ហៅចិន)ភេទប្រុសអាយុ២៨ឆ្នាំរស់នៅភូមិ១៣មករា សង្កាត់ព្រែកព្រះស្តេច ។ ចំណែកអ្នកដែលរងរបួសទី១ឈ្មោះឧត្តម ភេទប្រុស ជាអ្នកបើកបរម៉ូតូទ្រីម សេរីឆ្នាំ២០១៣ពណ៍ខ្មៅពាក់ផ្លាកលេខ1o.3979បាត់ដំបង ជនរងរបួសម្នាក់ទៀតអ្នកជិះពីក្រោយមាន ឈ្មោះភឿត អ្នករងរបួសទាំងពីមិនបានស្គាល់អាយុទេមានទីលំនៅភូមិកំពុងសីម៉ា សង្កាត់វត្តគរ ក្រុង និងខេត្តបាត់ដំបង។
បើតាមសាក្សីដែលបានឃើញហេតុការណ៍បានបញ្ជាក់ថា មុនកើតហេតុគេឃើញភាគីខាងម៉ូតូទ្រីម c125.សេរី2013.ជិះឌុបគ្នាយ៉ាងលឿនក្នុងទិសដៅពីកើតទៅលិចតាមបណ្តោយផ្លូវភ្លួស(សួន)មុខមន្ទី ពេទ្យបង្អែកខេត្តបាត់ដំបង លុះមកដល់ចំណុចកើតហេតុត្រង់រង្វង់មូលខាងលើបានជ្រុលទៅបុកភាគីម៉ូតូឆាលីដែលបានបើក បរទិសដៅពីត្បូងទៅជើង ចំពាក់កណ្តាលបណ្តាលឲ្យភាគីខាងម៉ូតូឆាលី(ស្លាប់) ភ្លាមៗនៅកន្លែងកើតហេតុតែម្តង។
ក្រោយកើតហេតុភ្លាមៗនោះជនរងគ្រោះខាងភាគីម៉ូតូទ្រីមដែលរងរបួសត្រូវរថយន្តសង្គ្រោះរបស់មន្ទី ពេទ្យវិសាលសុខដឹកយកទៅសង្គ្រោះបន្ទាន់ បន្ទាប់មកសមតថកិច្ចបានចុះទៅដល់ទីតាំងកើតហេតុធ្វើ ការវាស់វែងនិងលើកយកម៉ូតូទាំងពីរគ្រឿងខាងលើសមត្ថកិច្ចបានលើកយកទៅរក្សារទុកនៅការិយាល័លចរាចរណ៍ផ្លូវគោកស្នងការនគបាលខេត្តរង់ចាំដោះស្រាយពេលក្រោយ។ ចំណែកសពជនរងគ្រោះ សមត្ថកិច្ចបានប្រគល់ឲ្យទៅសាច់ញ្ញាតិយកធ្វើបុណ្យតាមប្រពៃណី៕
