បន្ទាយមានជ័យះប្រជាពលរដ្ឋរិះគុណទៅលើសកម្មភាពរថយន្តដឹកជញ្ជូនមិនថាទំនិញឬអ្នកដំណើរនោះទេនៅខេត្តបន្ទាយមានជ័យនារដូវចូលឆ្នាំជិតមកដល់ពីសំណាក់ក្រុមរថយន្តតាក់សីុកំពុងតែបង្កើនការដឹកលើសចំណុះគ្មានសណ្តាប់ធ្នាប់កាន់តែខ្លាំងដែលអាចបង្កជាគ្រោះថ្នាក់ចរាចរកើតទ្បើង។
តាមរយះការដឹកនេះភាគច្រើនជារថយន្តកាំម៉ារី តែងដឹកទំនិញពីលើដំបូលឬក្នុងរថយន្តពេញ។ឯរថយន្តសាំយ៉ុងមិនត្រឹមដឹកទំនិញលើដំបូលខ្ពស់នោះទេថែមទាំងតដែកពីក្រោយរថយន្តអោយមនុស្សអង្គុយយ៉ាងគ្រោះថ្នាក់។ការដឹកខុសច្បាប់និងខុសបច្ចេកទេសបែបនេះដោយសារតែខេត្តនេះជាប់ព្រំដែនកម្ពុជាថៃលុះពេលមានបុណ្យជាតិដូចជាចូលឆ្នាំគឺពលរដ្ឋខ្មែរដែលទៅធ្វើការនៅប្រទេសថៃជាក្រុមៗត្រូវមកលេងស្រុកជួបជុំបងប្អូន។
ជាមួយបញ្ហានេះដែលលោក សន គឹម សួគ៍ ប្រធានការិយាល័យនគរបាលចរាចរជើងគោកនៃស្នងការនគរបាលខេត្តបន្ទាយមានជ័យបានអោយដឹងថាជាគោលការតាមការណែនាំរបស់លោក អាត់ ខែម ជាស្នងការនៅថ្ងៃខាងមុខនេះលោកនិងចាត់វិធានការលើការដឹកទាំងនេះ៕
