ខេត្តបន្ទាយមានជ័យ លោកអ៊ុងអឿនប្រធានក្រុមប្រឹក្សាខេត្តបន្ទាយមានជ័យបានដឹកនាំប្រតិភូក្រុមប្រឹក្សាខេត្តចុះពិនិត្យការស្តារប្រព័ន្ធធារាសាស្គ្រ១ខ្សែប្រវែង២.៥០៨ម៉ែត្រនៅព្រឹកថ្ងៃទី២មេសា២០១៥នៅឃុំបត់ត្រង់ស្រុកមង្គលបូរីខេត្តបន្ទាយមានជ័យ។ លោក លី ស្រូយ អភិបាលរងស្រុកមង្គលបូរីបានប្រាប់ថា នៅក្នុងស្រុកមង្គលបូរីមានប្រជាពលរដ្ឋ៨០ភាគរយធ្វើស្រែនិងចំការហើយដោយប្រទេសកាន់តែអភិវឌ្ឍន៍ប្រជាកសិករមានការយល់ដឹងលើវិស័យកសិកម្មបាននាំគ្នាប្តូរពីធ្វើស្រូវវស្សានាំគ្នាមកពេញនិយមធ្វើស្រូវដើមរដូវ(ស្រូវប្រាំង)វិញព្រោះទទួលបានផលច្រើនជាងស្រូវវស្សា។ 
លោកបានបញ្ជាក់ថា នៅឃុំបត់ត្រង់ស្រុកមង្គលបូរីដោយមានការយកចិត្តទុកដាក់ពីលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យបានយកចិត្តទុកដាក់ជួយលើវិស័យកសិកម្មនិងការស្តាប្រឡាយចាស់ថ្មីជូប្រជាពលរដ្ឋក្នុងការធ្វើស្រែចំការ។លោក អ៊ុង អឿន បានប្រាប់ថាដោយមានការណែនាំពីលោកឧបនាយករដ្ឋមន្ត្រីកែគឹមយ៉ានលោកបានដឹកនាំប្រតិភូក្រុមប្រឹក្សាខេត្ត.ស្រុក.ក្រុងចុះពិនិត្យការស្ថារប្រព័ន្ធធារាសាស្គ្រឃុំបត់ត្រង់ស្រុកមង្កលបូរីនិងនាំថវិការចំនួន៦.០០០ដុល្លារបស់លោកឧបនាយករដ្ឋមន្ត្រី កែ គឹមយ៉ាន រួមជាមួយបងប្អូនប្រជាពលរដ្ឋ៤ភូមិក្នុងឃុំបត់ត្រង់ចូលរួមថវិការចំនួន៥៥.០០០បាតស្តារប្រឡាយប្រព័ន្ធធារាសាស្គ្រ១ខ្សែរប្រវែង២.៥០៨ម៉ែត្រដើម្បីបម្រើលើវិស័យកសិកម្មក្នុស្រុកមង្គលបូរីខេត្តបន្ទាយមានជ័យនេះផងដែរ៕ 
