ភ្នំពេញ ៖ យុវជនម្នាក់ជិះម៉ូតូលឿនហោះ ដល់ផ្លូវកែងដួលខ្លួនឯងបណ្តាលឱ្យរបួសធ្ងន់ ហេតុការណ៏នេះកើតឡើងវេលាម៉ោង ១និង៤០នាទីអធ្រាត ឈានចូលថ្ងៃទី០៤ មេសា ២០១៤ នៅចំណុចផ្លូវ ២៣០កែង២៦១ស្ថិតនៅក្នុង សង្កាត់ទឹកល្អក់ទី៣ ខណ្ឌទួលគោក ។
ប្រភពព័ត៌មានបានឱ្យដឹងថា មុនពេលកើតហេតុជនរងគ្រោះជិះម៉ូតូ ធុនធំ ម៉ាកDUK ពណ៌ស ខ្មៅ ពាក់ស្លាកលេខភ្នំពេញ 1CI-1247 ធ្វើដំណើរយ៉ាងលឿនលើផ្លូវ ២៣០ ក្នុងទិសដៅពីជើងទៅត្បូង ស្រាប់តែមកដល់ចំណុចកើតហេតុដែលជាផ្លូវកែង ក៏ដួលម៉ូតូដោយខ្លួនឯងរបួសធ្ងន់ ។
ក្រោយពេលកើតហេតុ ជនរងគ្រោះត្រូវរថយន្តសាមុយមកដឹកយកទៅព្យាបាល ចំណែកម៉ូតូរបស់ជនរងគ្រោះត្រូវ សមត្ថកិច្ចយកទៅរក្សាទុកនៅអធិការដ្ឋាន ខណ្ឌទួលគោក ៕
