បន្ទាយមានជ័យ ៖ ដើម្បីធានាបាននូវសន្តិសុខសណ្តាប់ធ្នាប់ និងបទល្មើសនានាកើតមានឡើងក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខ លោកឧត្តមសេនីយ៍ អាត់ ខែម ស្នងការនគរបាលខេត្តបន្ទាយមានជ័យ កាលពីថ្ងៃទី៣ មេសា ២០១៥ បានកោះប្រជុំដាក់ផែនការណ៍ ៥ចំនុ សម្រាប់នគរបាល ទូទាំងខេត្ត ចាប់តាំងពីស្នងការរង នាយការិយាល័យ នាយរង ការិយាល័យ អធិការ អធិការរងតាមជំនាញ តាមបណ្តាស្រុកក្រុង មេបញ្ជាការវរៈ និងនាយប៉ុស្តិ៍ ។
៥ចំនុចដែលត្រូវអនុវត្តនោះរួមមាន រួមមានទី១ កងកម្លាំង ទាំងអស់ត្រូវពង្រាយកម្លាំង បង្កើន ការទប់ស្កាត់ នៅតាមទីផ្សារ ធនាគារ ទីប្រជុំជន កន្លែងលក់មាស និងប្តូរ លុយជា ។ ទី២ ត្រូវយកចិត្តទុកដាក់ ទប់ស្កាត់ ករណី លួច ឆក់ ជាពិសេស លើជនបរទេសព្រោះខេត្តបន្ទាយមានជ័យ ក៏ជាខេត្តមួយដែលពោពេញទៅដោយភ្ញៀវទេសចរណ៍បរទេសចេញចូលឆ្លងកាត់ ។
ទី៣ បង្កើនការទប់ស្កាត់ដូចភ្លៀងរលឹមលើ ការចរាចរគ្រឿងញៀន នៅតាមបណ្តាស្រុកក្រុង ទាំងមុខ សញ្ញាចែកចាយ និងប្រើប្រាស់ ។ ទី៤ កម្លាំងទាំងអស់ត្រូវ បន្តយុទ្ធនាការ ចុះឆែក អាវុធជាតិផ្ទុះ នៅតាមដងផ្លូវសាធារណៈនិងនៅតាមមូលដ្ឋាន ដើម្បីចូលរួមទប់ស្កាត់បទល្មើស ។ ទី៥ កងកម្លាំងនគរបាល ត្រូវរុញទៅដល់អធិការដ្ឋានតាមក្រុងស្រុក ហើយថ្នាក់ អធិការត្រូវរុញបន្ត ដល់ប៉ុស្តិ៍នគរបាល ចុះល្បាតជាប្រចាំ ត្រៀមការពារសន្តិសុខ ឲ្យបានល្អ នាឱកាសបុណ្យ ចូលឆ្នាំខ្មែរខាងមុខនេះ ដើម្បីឲ្យប្រជាពលរដ្ឋដើរ លេងកំសាន្ត ប្រកបដោយ សេចក្តីសុខ។
ការប្រជុំដាក់ផែនការខាងលើធ្វើឡើង បន្ទាប់ពីបទល្មើសប្លន់ប្រដាប់អាវុធ និងសកម្មភាពបទល្មើសនានា បានកើតឡើងបន្តបន្ទាប់តាមបណ្តាខេត្ត និងតាមការណែនាំរបស់ក្រសួងមហាផ្ទៃ និងអគ្គស្នងការនគរបាលជាតិ ។ បន្ទាប់ពីការប្រជុំ ចប់សប់គ្រប់លោក អាត់ ខែម បានប្រគល់កុំព្យូទ័រ ព្រីនធឺ និង សម្ភារបច្ចេក ទេសមួយចំនួន ដល់នគរបាល តាមបណ្តាអធិការស្រុកក្រុង ផងដែរ ដើម្បីយកទៅប្រើប្រាស់ ជាប្រចាំក្នុងការងារ ៕
