១០០% ក្នុងឪកាសព្រឹត្តិការណ៍អង្គរសង្ក្រានរយៈពេល៣ថ្ងៃនៅទីក្រុងសៀមរាបសៀមរាប នៅក្នុងកិច្ចប្រជុំ ដើម្បីរក្សាសនិ្តសុខសណ្តាប់ធ្នាប់ក្នុងឪកាស ព្រឹត្តិការណ៍អង្គរសង្ក្រាននៅទីក្រុងសៀមរាប នារសៀលថ្ងៃទី ៣ មេសា ២០១៥ នៅសាលាខេត្តសៀមរាប ឯឧ.នាយឧត្តមនីយ៍ នេត្រ សាវឿន អគ្គស្នងការនគរបាលជាតិ បានដាក់ផែនការយ៉ាងហ្មត់ចត់ ដល់គ្រប់បណ្តា
កងកំលាំងនគរបាលនិងអង្គភាពពាក់ព័ន្ធទាំងអស់ ធ្វើយ៉ាងណាការពារសន្តិសុខ សណ្តាបធ្នាប់សាធារណៈក្នុងឪកាសព្រឹត្តិការណ៍អង្គរសង្ក្រានរយៈពេល៣ថ្ងៃនៅទីក្រុងសៀមរាប ចាប់ពីថ្ងៃទី ៤ដល់ទី៦ ខែមេសារ ឆ្នាំ២០១៥ ដើម្បីបង្កលក្ខណៈសប្បាយរីករាយជូនភ្ញៀវទេសចរណ៍ជាតិនិងអន្តរជាតិពិសេសប្រជាពលរដ្ឋខ្មែរទូទាំងប្រទេសដែលបានមកកំសាន្តនៅខេត្តសៀមរាប។ ឯឧ.នាយឧត្តមសេនីយ៍ នេត្រ សាវឿន បានបង្ហាញថា រយៈពេល២ឆ្នាំជាប់ៗគ្នានៃប្រឹត្តិការណ៍អង្គរសង្ក្រាននៅទីក្រុងសៀមរាប យើងរក្សាសន្តិសណ្តាប់ធ្នាប់បានល្អ ហើយសម្រាប់ឆ្នាំ២០១៥នេះ គឺជាឆ្នាំទី៣ ដែលព្រឹត្តិការណ៍អង្គរសង្ក្រាន បានប្រព្រឹត្តិនៅលើទឹកដីអង្គរខេត្តសៀមរាប ។ដូច្នេះគ្រប់កងកំលាំងត្រូបតែទទួលបន្ទុកលើកិច្ចការពារនិងថែរក្សាសន្តិសុខ សុវត្ថិភាពឲ្យបានល្អបន្ថែមទៀតជូនប្រជាពលរដ្ឋនិងភ្ញៀវទេសចរណ៍ជាតិ/អន្តរជាតិ ពិសេសការពារឲ្យខាងតែបានចំពោះសន្តិសុខកំរិតខ្ពស់ជូនដល់ប្រមុខរាជ
រដ្ឋាភិបាលកម្ពុជាយើង លោកបានផ្តល់កិត្តិយសក្នុងការអញ្ជើ្ញញជាអធិបតីក្នុងពិធីបើក ព្រឹត្តិ
ការណ៍អង្គរសង្ក្រានរយៈពេល៣ថ្ងៃនៅទីក្រុងសៀមរាប ដែលនេះជាមោទ្ធនភាពសម្រាប់ខេត្តក៍ដូចជាប្រជាពលរដ្ឋរបស់យើង។សម្រាប់ព្រឹត្តិការណ៍អង្គរសង្ក្រានរយៈពេល៣ថ្ងៃនៅទីក្រុងសៀមរាបតាមការប៉ាន់ប្រមាណរបស់សហភាពសហព័ន្ធយុវជនកម្ពុជា ថានិងមានភ្ញៀវទាំងក្នុងស្រុកនិងក្រៅស្រុកប្រមាណជា កន្លះលាននាក់ និងចូលរួមក្នុងព្រឹត្តិការណ៍អង្គរសង្ក្រានលើកទី៣ឆ្នាំ២០១៥នេះ។ជាមួយនិងព្រឹត្តិការណ៍នេះ អាជ្ញាធរដែនដីខេត្តសៀមរាប ឯឧ.ឃឹម ប៊ុនសុង អភិបាលខេត្តសៀមរាបបានបង្ហាញពីការយកចិត្តទុកដាក់ខ្ពស់ ក្នុងនាមគណៈបញ្ជាការឯកភាពខេត្ត ទាំងសន្តិសុខ សុវត្ថិភាពសង្គម ទាំងអនាម័យបរិស្ថាន ពិសេសការបញ្ជាសចរាចរណ៍នៅតាមដងផ្លូវសាធារណៈមិនឲ្យមានការកកស្ទះ ដោយក្នុងនោះខេត្តបានពង្រីកនូវហេដ្ឋារចនាសម្ព័ន្ធជាច្រើនខ្មែរក្នុងខេត្តដើម្បីឲ្យការធ្វើដំណើរបស់ប្រជាពលរដ្ឋមានភាពល្អប្រសើឡើង។ក្រៅពីនោះខេត្តបានបង្កលក្ខណៈសប្បាយរូករាយជូនប្រជាពលរដ្ឋទាំងនៅក្នុងតំបន់អង្ករ និងរម្មនីយដ្ឋាននានា ផ្សាររាត្រីនិងទីប្រជុំជនក្រុងជាដើម។ ជាមួយនិងព្រឹត្តិការណ៍ដ៍អស្ចារ្យនេះ ឯឧ.នាយឧត្តមសេនីយ៍ នេត្រ សាវឿន បានបញ្ជាឲ្យគ្រប់កងកំលាំងទាំងអស់ត្រូវតែធានាឲ្យបានដាច់ខាតនូវសន្តិសុខ សុវត្ថិភាពជូនថ្នាក់ដឹកនាំនិងប្រជា
ពលរដ្ឋឲ្យបាន១០០% ដើម្បីកិត្តិយសជាតិនិងមាតុភូមិអង្គររបស់យើង៕
