រថយន្ដតាក់សីមែត១គ្រឿង រងការខូចខាតយ៉ាងដំនំ ដោយសារតែរថយន្ដកង់ទីន័រ១គ្រឿង បើកបុកពេញទំហឹង កាលពីវេលាម៉ោង១០នឹង ៥០នាទីយប់ ថ្ងៃទី០៥ ខែមេសា ឆ្នាំ២០១៥ តាមបណ្ដោយផ្លូវព្រះសុធារស់ ស្ថិតនៅក្នុងសង្កាត់ ទន្លេបាសាក់ ខណ្ឌចំការមន 
ប្រភពព័ត៌មានពីសាក្សី នៅនឹងកន្លែងកើតហេតុ បានអោយដឹងថា មុនពេលកើតហេតុ គេបានឃើញមានរថយន្ដតាក់សីមែត១គ្រឿង ពណ៍លឿង ពាក់ស្លាកលេខ ភ្នំពេញ 2Q-1075 ធ្វើដំណើរតាម បណ្ដយផ្លូវព្រះសុធារស់ ទិសដៅពីលិចទៅកើត លុះមកដល់កន្លែងកើតហេតុ ក៏មានរថយន្ដកង់ទីន័រ១គ្រឿង ពណ៍សរ ពាក់ស្លាកលេខ ភ្នំពេញ 3A-0156 បើកបរដោយបុរស់ម្នាក់ ស្ថិតក្នុងស្ថានភាពស្រវឹងធ្វើដំណើរតាមបណ្ដោយផ្លូវព្រះសុធារស់ ទិសដៅពីកើតទៅលិច បញ្ច្រាសទិសគ្នា មកបុករថយន្ដតាក់សីចំពីមុខពេញទំហឹង ផ្នែកចំហៀងខាងឆ្វេង បណ្ដាលអោយរងការខូចខាត ។
ប្រភពដ៏ដែលបានបន្តថា ក្រោយកើតហេតុ រថយន្ដកង់ទីន័រ មិនបានឈប់ដោះស្រាយគ្នាទេ គឺបានព្យាយាមបើករត់គេច រហូតដល់ខាងកើតវិទ្យាល័យបឹងត្របែក ក្នុងសង្កាត់ផ្សាដើមថ្កូវ ទើបឃាត់បាន ភ្លាមៗនោះក៏មានកំលាំង សម្ថតិកិច្ចមូលដ្ធាន សហការជាមួយកំលាំងជំនាញ យករថយន្ដទាំង២ ទៅរក្សាទុក នៅការិយាល័យចរាចរណ៍ជើងគោក ដើម្បីរងចាំធ្វើការដោះស្រាយពេលក្រោយ ៕
