គណៈប្រតិភូ សមាគមនារី កម្ពុជា ដើម្បីសន្តិភាពនិងអភិវឌ្ឍន៏សាខាខេត្តពោធិ៍សាត់ ដឹកនាំដោយលោកជំទាវ ហ៊ុន ចាន់ធី ម៉ៅ ធនិន ប្រធានកិតិ្តយស លោកជំទាវ ឯម ប៉ុណ្ណា តំណាងរាស្ត្រ មណ្ឌលពោធិ៍សាត់ លោកស្រី ជុក សុផានី អភិបាលរងនៃគណអភិបាលខេត្ត 
លោកស្រី ឈឹម ស៊ីណា ប្រធានសមាគម បានរួម ដំណើរជាមួយលោកជំទាវ មាន សំអាត ប្រធានគណកម្មាធិការទី៨នៃ ព្រឹទ្ធសភានិងជាអនុប្រធាន សមាគមនារីកម្ពុជា ដើម្បីសន្តិភាពនិងអភិវឌ្ឍន៏ និងឯកឧត្តម ចាន់សុផលអភិបាលនៃគណៈអភិបាលខេត្តបាត់ដំបងបានអញ្ជើញចុះសួរសុខទុក្ខនិងនាំយកអំណោយទៅចែក ជួនដល់បងប្អូនប្រជាពលរដ្ឋអ្នកឆ្លងជម្ងឺអេដស៏នៅភូមិរការ ឃុំរការ ស្រុកសង្កែ ខេត្តបាត់ដំបងចំនួន២០៧នាក់ នៅវត្តរការរស្មី ។
លោកជំទាវ មាន សំអាត មានប្រសាសន៏ថាថ្ងៃនេះគណៈប្រតិភូមានតាំងពីថ្នាក់ក្រសួង រួមមានក្រសួងពាណិជ្ជកម្ម ក្រសួងសេដ្ឋកិច្ច ក្រសួងអប់រំ ក្រសួងធម្មការ ក្រសួងសាធារណការ ក្រសួង រ៉ែនិងថាមពល ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តប៉ៃលិន និងសប្បុរសជនជា ច្រើនទៀត បានមកដល់ភូមិរការ ឃុំរការ ស្រុកសង្កែ ក្នុងគោលបំណងមកជួបសំណេះសំណាលនិងនាំយកអំណោយមួយចំនួនមកចែកជួនបងប្អូនអ្នកដែលឆ្លងនិងផ្ទុកនូវជម្ងឺអេដស៏ ក្នុងឱកាសដើម្បីអប អរសាទរបុណ្យចូលឆ្នាំថ្មីប្រពៃណីខ្មែរយើង ។
នេះគឺមិនមែនជាលើកទី១នោះទេគឺចាប់តាំងមានករណី ផ្ទុះឡើងនៃការឆ្លងមេរោគអេដស៏ដល់ប្រជាពលរដ្ឋនៅភូមិរការ ឃើញថាមានគណៈប្រតិភូជាច្រើនតាំងពីរាជរដ្ឋាភិបាល ស្ថាប័នក្រសួង មន្ទីរ អង្គភាព អង្គការក្រៅរដ្ឋាភិបាលនិងសប្បុរសជនបានមកដល់ទីនេះដោយមានទាំងអំណោយមកចែកជួនជាបន្តបន្ទាប់ ក្នុងក្តីអាណិត ស្រឡាញ់។ លោកជំទាវ បានផ្តល់នូវអនុសាសន៏មួយចំនួនជួនដល់បងប្អូនឲ្យបន្តការ តស៊ូ ខិតខំប្រឹងប្រែង ពិសេស ពីបញ្ហាអនាម័យផ្ទាល់ខ្លួន កុំបាក់ទឹកចិត្តព្រោះថាជម្ងឺអេដស៏ក៏មានថ្នាំពន្យាធ្វើឲ្យអាយុជីវិតយើងរស់បានយូ។ លោកជំទាវក៏បានក្រើនរំលឹកដល់អាជ្ញាធរដែនដីគ្រប់លំដាប់ថ្នាក់ គប្បីយកចិត្តទុកដាក់គិតគូអំពីការ លំបាករបស់បងប្អូននៅទីនេះបានជាប់ជាប្រចាំ បើមានគរណីអ្វីកើតឡើងត្រូវ
ដោះស្រាយជាបន្ទាន់។ ក្នុងឱកាសចុះសួរសុខទុក្ខបងប្អូននោះលោកជំទាវ មាន សំអាត រួមជាមួយនឹងលោកជំទាវគណៈប្រតិ ភូទាំងថ្នាក់ក្រសូង និងថ្នាក់ខេត្តក៏បានចូលរួមចែកអំណោយជួនដល់អ្នកឆ្លងមេរោគអេដស៏ ដែលមាន ចំនួន២០៧នាក់ ដោយក្នុងម្នាក់ៗទទួលបានមី១កេស នំ១ធុងតូចទឹកក្រូច២កំប៉ុង ទឹកសុទ្ធ២ដប ត្រីខ ៤កំប៉ុង ប្រេងខ្យល់១ដប ទឹកដោះគោ១កំប៉ុង ស្កស១គីឡូក្រាមនិងថវិកា៩ម៉ឺនរៀល ដោយឡែកគ្រួសា ដែលមានសមាជិក៥នាក់ឡើងទៅមានផ្ទុកមេរោគអេដស៏ក្នុងនោះមាន៤នាក់ក្នុងម្នាក់ទទួលបានថវិកា១៤ម៉ឺនរៀល ។ សម្ភារៈនិង ថវិកាទាំងនោះបានមកគណៈប្រតិភូក្រសួងរ៉ែនិងថាមពល ក្រសូងសេដ្ឋកិច្ច ក្រសួងអប់រំ ក្រសួងធម្មកា ក្រសួងពាណិជ្ជកម្ម ក្រសួងសាធារណការ និងប្រតិភូខេត្តពោធិ៍សាត់ បាត់ដំបង បន្ទាយមានជ័យនិង ខេត្តប៉ៃលិននិងសប្បុរសជនមួយចំនួនទៀតសរុបអស់ថវិកាជាង៣៤លានរៀល៕
