ឯកឧត្តមនាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ បានចុះជួបសំណេះសំណាល ជាមួយមន្ត្រីរាជការ កងកម្លាំងប្រដាប់ អាវុធគ្រប់ជាន់ថ្នាក់ រួមទាំងបានផ្តល់អំណោយមួយចំនួន ជូនដល់ប្រជាពលរដ្ឋក្រីក្រ នៅស្រុកចន្ទ្រា ខេត្តស្វាយរៀង ក្នុងឪកាស
នោៈ ក៏មានការចូលរួមពីឯកឧត្តម លី សុវណ្ណ លោកអភិបាលស្រុក និងអស់លោកក្រុមប្រឺក្សាស្រុកជាច្រើនផងដែរ ។
មានប្រសាស៏ក្នុងនោៈដែរ នាយឧត្តមសេនីយ៍ ម៉ឹង សំផន បានថ្លែងថា ការចុះជួបសំណេះសំណាល ជាមួយមន្ត្រីរាជការ កងកម្លាំងប្រដាប់អាវុធ នៅស្រុកចន្ទ្រានេះ គឺដើម្បីចង់ដឹងអំពីសុខទុក្ខ របស់ពួកគាត់ រួមនិងបញ្ហាក្នុងការបំពេញបេសកម្មកន្លងមក ហើយម្យ៉ាងទៀត ផ្តល់បទពិសោធន៍ ក្នុងការអំពីការងារដឹកនាំ របស់រាជរដ្ឋាភិបាល បច្ចុប្បន្ន ទៅដល់មន្ត្រីរាជការ និងកងកម្លាំងប្រដាប់អាវុធទាំងនោះ។
ឯ,ឧនាយឧត្តមសេនីយ៍ ក៏បានលើកឡើងចំណុចជាច្រើន ដែលរាជរដ្ឋាភិបាលកម្ពុជា បាននិងកំពុង អភិវឌ្ឍន៍ស្ទើរគ្រប់វិស័យ ដែលរួមមានទាំងវិស័យសេដ្ឋកិច្ច សង្គមកិច្ច នយោបាយ វប្បធម៌ ពាណិជ្ជកម្ម ការងារដឹកនាំ និងវិស័យជាច្រើនទៀត ដើម្បីឲ្យមន្ត្រីរាជការ ក៏ដូចជាកងកម្លាំង ប្រដាប់អាវុធទាំងអស់ ដកស្រង់ជាបទពិសោធន៍ និងធ្វើការផ្សព្វផ្សាយ បន្តទៅដល់មូលដ្ឋាន។
បន្ទាប់ពីបញ្ចប់ពីធីសំណេះសំណាល សម្រាប់ឳកាសបុណ្យ ចូលឆ្នាំប្រពៃណីជាតិខ្មែរ ខាងមុខនេះ ឯ,ឧ ម៉ឹង សំផន ក៏បានជូនថវិការដល់មន្ត្រីរាជការ និងកងកម្លាំងប្រដាប់អាវុធ ចំនួន៣៤០នាក់ នៅស្រុកចន្ទ្រា នូវថវិកាក្នុងម្នាក់ៗ ចំនួន៥ម៉ឺនរៀល រីឯប្រជាពលរដ្ឋក្រីក្រ ចំនួន៥០គ្រួសារ គឺទទួលអំណោយ និងថវិកាសប្បុរសធម៌ របស់នាយឧត្តមសេនីយ៍ ម៉ឺង សំផន ក្នុងមួយគ្រួសារ ទទួលបានអង្ក១០០គីឡូក្រាម, មី១កេស, ត្រីខ១យួរ, ទឹកត្រី១យួរ, ទឹកស៊ីអ៊ីវ១យួរ, សារ៉ុង ក្រម៉ា រួមនិងថវិកាចំនួន១០ម៉ឺនរៀលផងដែរ ។
ដោយសរុបថវិការ ដែលផ្តល់ជូនដល់មន្ត្រីរាជការ កងកម្លាំងប្រដាប់អាវុធ នៅស្រុកចន្ទ្រាទាំងអស់ សរុបមានចំនួន៨៦លានរៀល ៕
