ខេត្តបន្ទាយមានជ័យ៖នគរបាលក្រុងសិរីសោភ័ណបានធ្វើការស្រាវជ្រាវតាមចាប់ខ្លួន យុវជនម្នាក់ពាក់ព័ន្ធនិងករណីបង្កអំពើហិង្សាដោយចេតនាទៅលើគូភាគីម្ខាងទៀតបណ្តាលឲ្យរងរបួសធ្ងន់កាលពីដើមខែមករាឆ្នាំ២០១៥កន្លងមក។លោកវរសេនីយ៍ត្រី ស៊ីវ សុជាតិ អធិការ
នគរបាលក្រុងសិរីសោភ័ណបានបញ្ជាក់ថាការចាប់ខ្លួនជនបង្កកាលពីរសៀលថ្ងៃទី៤ខែមេសាឆ្នាំ២០១៥នោះធ្វើឡើងដោយអនុវត្តតាមដីកាបញ្ជាឲ្យនាំខ្លួនរបស់លោកជួនវណ្ណៈ ចៅក្រមស៊ើបសួរសាលាដំបូងខេត្តបន្ទាយមានជ័យ កាលពីថ្ងៃទី២៧ ខែមីនា ឆ្នាំ២០១៥។លោកជាតិបានបន្តថាជនបង្កមានឈ្មោះហួនសុវណ្ណារ៉ាហៅតិអាយុ១៨ឆ្នាំរស់នៅព្រៃឫស្សី សង្កាត់ព្រះពន្លា ក្រុងសិរីសោភ័ណ ។់លោកជាតិបានបន្តទៀតថា ជននេះបានប្រើអំពើហិង្សាដោយកាប់ជនរងគ្រោះម្នាក់ បណ្តាលឲ្យរងរបួសយ៉ាងធ្ងន់ធ្ងរកាលពីថ្ងៃទី៣ខែមករា ឆ្នាំ២០១៥នៅផ្សាររាត្រីរួចហើយបានរត់គេចខ្លួនបាត់រហូត ទើបតែនៅពេលនេះត្រូវចាប់បានរួចបញ្ជូនមកអធិការក្រុងសិរីសោភ័ណដើម្បីសាកសួនៅមុខមិត្តកិច្ចជនសង្ស័យបានឆ្លើយសារភាពថាខ្លួនពិជាបានវាយទៅលើគូសត្រូវរបស់ខ្លួនពិតម៉ែនរយះពេលកន្លងមក។បច្ចុប្បន្នជនត្រូវចោទត្រូវបានឃុំខ្លួនជាបណ្តោះអាសន្ននៅអធិការដ្ឋាន នគរបាលក្រុងសិរីសោភ័ណដើម្បីបញ្ជូនទៅកាន់តុលាការចាត់ការតាមផ្លូវច្បាប់៕គង្គា
