ខេត្តក្រចេះ៖ ស្ត្រីមេម៉ាយវយ័ជាង៦០ឆ្នាំម្នាក់ នៅភូមិព្រែកតាអាំ ដែល រងគ្រោះដោយសាររថយន្តសាំយ៉ុងដឹកឈើប្រណិត បើកបុកដាច់ផ្ទះបាយបណ្តាលឱ្យខូចខាត ស្ទើរទាំងស្រុង បានអំពាវនាវឱ្យអាជ្ញាធរខេត្ត ក៍ដូចជាមន្ត្រីជំនាញ មេត្តាជួយរកដំណោះស្រាយ ជូនគាត់ផង
។ការអំពាវនាវពីសំណាក់ស្ត្រីមេម៉ាយ រងគ្រោះ គឺបន្ទាប់ពីសមត្ថកិច្ចក៍ដូចជា អាជ្ញាធរ មិនទាន់មានដំណោះ ស្រាយ ជូនគាត់បាន អស់រយៈពេលជិតមួយខែហើយ ដែលស្ត្រីរងគ្រោះវ័យ៦២ឆ្នាំ ឈ្មោះ ទី លេន រស់នៅភូមិព្រែកតាអាំ ឃុំបុសលាវ ស្រុកចិត្របុរី បានជួបការលំបាក នោះ ក្នុងគាត់ស្នើរអោយអាជ្ញាធរ ក៍ដូចជាមន្ត្រីជំនាញ ជួយពន្លឿនក្នុងដោះស្រាយ ជូនគាត់ផងពីព្រោះផ្ទះបាយ និងបន្ទប់ទឹករបស់គាត់ហ្នឹងបានរងការខូចខាតខ្ទេចអស់ហើយ សព្វថ្ងៃគាត់កំពុងជួបកាលំបាកខ្លាំង ។អ្នកស្រី ទី លេន បន្តរថាគាត់មិនបានលើសលបើទេ ដោយចង់ឱ្យតែជន បង្កចូលខ្លួនមកដោះស្រាយនិងជួសជុលផ្ទះរបស់គាត់ឱ្យបានដូចដើមវិញតែប៉ុណ្ណោះ ហើយបើសិនជាជនបង្កមិនចូលខ្លួនមកដោះស្រាយទេនោះ ទាំងរថយន្តបង្កនិងឈើប្រណិតដែលមានចំនួន៣៩ដុំនោះ គឺគាត់មិនព្រមប្រគល់ទៅឱ្យអាជ្ញាធរនោះទេ។គួរបញ្ជាក់ថា កាលពីថ្ងៃទី១២ ខែមីនា វេលាម៉ោង៥និង៣០នាទីទៀបភ្លឺ ផ្ទះឈើប្រក់ក្បឿងរបស់ស្ត្រីរងគ្រោះ ត្រូវបានរថយន្តដឹកឈើមួយគ្រឿងដែលកំពុងរត់គេចពីកាប្រមាញ់របស់សមត្ថកិច្ច បានជ្រុលទៅបុកដាច់ផ្ទះបាយ បណ្តាលអោយ រងការខូចខាតផ្នែកកំណាត់ខាងក្រោយស្ទើរទាំងស្រុង ចំណែករថយន្តបង្ក ក្រឡាប់ភ្ងារជើងឡើងលើ តែមិនបណ្តាលឱ្យជនណាម្នាក់ស្លាប់ នោះទេ ហើយអ្នកបើកបររថយន្តបង្ក បាននាំគ្នារត់គិចខ្លួនបាត់ស្រមោល ដោយមិនព្រមចូលខ្លួនមកដោះស្រាយរហូតដល់ថ្ងៃនេះ។ប្រភពពីមន្ត្រីនគរបាលបាននិយាយថា ម្ចាស់ឈើនិងជាម្ចាស់រថយន្តបង្ក ឈ្មោះ ហួរ មានទីលំនៅខេត្តស្ទឹងត្រែង ហើយនៅថ្ងៃកើតហេតុ ម្ចាស់រថយន្តបង្កមួយគ្រឿងនេះ មិនបានបើកបរដោយខ្លួនឯងនោះទេ ដោយឱ្យប្អូនប្រុសរបស់គេម្នាក់ទៀត ជាអ្នកបើកបរ រថយន្តបង្ក ជាប្អូនថៅកែរឈ្មោះ ហួរ រូបនេះ បានរត់គេចខ្លួន ក៏មិនព្រមចូលខ្លួន មកដោះស្រាយដែរ ។លោក បួយ រត្ននា នាយផ្នែករដ្ឋបាលព្រៃឈើក្រចេះ បានអោយដឹងកាលពីល្ងាចថ្ងៃទី៥ ខែមេសានេះថា ចំពោះករណីនេះ ប្រជាពលរដ្ឋមិនអនុញ្ញាតអោយមន្ត្រីជំនាញ រឹបអូសយកឡាន និងឈើទៅរក្សាទុកឡើយ ដូច្នេះមន្ត្រីជំនាញបានធ្វើលិខិតមួយច្បាប់ទុកអោយម្ចាស់ផ្ទះរក្សាទុក ដោយរងម្ចាស់រថយន្ត ចូលខ្លួនមកដោះស្រាយ ក្នុងរយះពេលមួយខែ តែបើក្នុងរយះមួយខែម្ចាស់មិនចូលខ្លួនមកដោះស្រាយ ទេ មន្ត្រីជំនាញរដ្ឋបាលព្រៃឈើ និងកសាងសំណុំរឿងបញ្ជូនទៅតុលាដើម្បីដោះស្រាយបន្តរតាមនិតិវិធីច្បាប់៕ម៉េង ហ៊ាងក្រចេះ
