ខេត្តព្រះសីហនុ នៅព្រឹកថ្ងៃទី០៦ ខែមេសា ឆ្នាម២០១៥ សាលាខេត្តព្រះសីហនុ រៀបចំពិធីប្រកាសផ្ទេរភារកិច្ច និងចូលកាន់តំណែងស្នងការ នៃស្នងការដ្ឋាននគរបាលខេត្តព្រះសីហនុ ក្រោមអធិបតីភាពឯកឧត្តម នាយឧត្តមសេនីយ នេត សាវឿន អគ្គស្នងការនគរបាលជាតិ និងឯកឧត្តម ឈិត សុខុន អភិបាលនៃគណអភិបាលខេត្តព្រះសីហនុ ។
ពីធីផ្ទេរភារកិច្ច និងចូលកាន់តំណែងស្នងការនៃស្នងការដ្ឋាននគរបាលខេត្តព្រះសីហនុ មានការចូលរួមពីមន្ត្រីរាជការ កងកម្លាំងប្រដាប់អាវុធ និងលោកឧត្តមសេនីយនគរបាលជាតិមកពីខេត្តជាប់មាត់សមុទ្រទាំង៤ ដូចជា ខេត្តកែប កំពត កោះកុង និងខេត្តព្រះសីហនុ ។
តាមសេចក្តីប្រកាសលេខ ៤៣៤០ ប្រ.ក ចុះថ្ងៃទី០១ ខែមេសា ឆ្នាំ២០១៥ សម្រេច ផ្ទេរភារកិច្ច និងតែងតាំងមុខតំណែងនាយនគរបាលថ្នាក់ឧត្តមសេនីយចំនួន០២រូប ទី១ លោកឧត្តមសេនីយត្រី ស៊ាង កុសល អត្តលេខ០៤២៧ នៃស្នងការដ្ឋាននគរបាលខេត្តព្រះ សីហនុ ទៅជាអនុប្រធាននាយកដ្ឋាននគរបាលទេសចរណ៌ ។ ទី២ លោកឧត្តមសេនីយត្រី ជួន នារិន អត្តលេខ ០៣៥០២ពីស្នងការរងរនៃស្នងការដ្ឋាននគរបាលរាជធានីភ្នំពេញទៅជាស្នងការនៃស្នងការដ្ឋាននគរបាលខេត្តព្រះសីហនុ ។
ឯកឧត្តម នាយឧត្តមសេនីយ នេត សាវឿន បានមានប្រសាសនសំណេះសំណាល ជាមួយមន្ត្រីនគរបាល និងមន្ត្រីរាជការខេត្តព្រះសីហនុ ដោយគូសបញ្ជាក់ថា ខេត្តព្រះសីហនុ ជាប៉ុលសេដ្ឋកិច្ច ទេសចរណ៌ ដែលរាជរដ្ឋាភិបាលកម្ពុជាបានកំពុងយកចិត្តទុកដាក់ក្នុងការចូលរួមចំណែកអភិវឌ្ឍប្រទេសជាតិ ក្នុងនោះខេត្តព្រះសីហនុ ។ ដោយពេលនេះមានលោកឧត្តមសេនីយនគរបាលខេត្តជាប់សមុទ្រទាំង៤ បានចូលរួមបញ្ចាក់ពីសក្ខីភាព និង
កិច្ចសហប្រតិបត្តិការគ្នាបានកាន់តែល្អ បន្ទាប់ពីលោកឯកឧត្តមសេនីយត្រី ជូន ណារិន ស្នងការរាជធានី មកកាន់ស្នងការនគរបាលខេត្តព្រះសីហនុ ហើយការផ្លាស់ប្តូ ផ្ទេរភារកិច្ចមុខតំណែងមន្ត្រីនគរបាលនាពេលនេះ ជាការធម្មតា ដើម្បីបង្កើនសមត្ថភាពក្នុងការដឹកនាំរបស់គណបញ្ជាការឯកភាពខេត្ត ។
ឯកឧត្តម នាយឧត្តមសេនីយ នេត សាវឿន ក៌បានលើកទឹកចិត្តដល់លោកឧត្តមសេនីយទាំងពីរទាំងអ្នកទៅទទួលភារកិច្ចថ្មី និងអ្នកដែលមកទទួលភារកិច្ចថ្មីនាពេលនេះ សូមឪ្យប្រព្រឹត្តការងារទទួលបានជោគជ័យក្នុងការបំពេញភារកិច្ច ក្រោមការដឹកនាំដ៌ឈ្លៀសវៃរបស់គណបញ្ជាការឯកភាពខេត្តព្រះសីហនុ កិច្ចការនេះនិងប្រព្រឹត្តទៅបានរលូន សូមជំនួសមុខឪ្យក្រសួងមហាផ្ទៃសូមកោតសរសើរចំពោះការខិតខំបំពេញការងារកន្លងមករក្សាបានសន្តិសុខ នយោបាយ និងសន្តិសុខសង្គមបានល្អ ក៌ប៉ុន្តែទោះបីបទល្មើមជ្ឍឹមកើតមានច្រើនបង្ករឡើងដោយជនបរទេស ធ្វើអោយប្រជាពលរដ្ឋ ក៌ដូចជាភ្ញៀវទេសចរមានការចាប់អារម្មណ៌យ៉ាងខ្លាំង ខ្ញុំសង្ឃឹមថា
បន្ទាប់ពីលោកស្នងការថ្មីចូលកាន់មុខតំណែង និងដឹកនាំកម្លាំងក្រោមឪវាទសហការជាមួយកម្លាំងអាវុធហត្ថក្រោមការដឹកនាំបញ្ជារបស់គណបញ្ចាការឯកភាពខេត្តព្រះសីហនុធ្វើឪ្យសន្តិសុខ សុវត្ថិភាពនៅក្នុងខេត្តព្រះសីហនុមានភាពល្អប្រសើរឡើងថែមទៀត ជាពិសេស
នៅក្នុងឪកាសពីធីបុណ្យចូលឆ្នាំប្រពៃណីខ្មែរនិងឈានចូលមកដល់ពេលខាងមុខនេះ ។
លោកឧត្តមសេនីយត្រី ជួន ណារិន មានប្រសាសន៌ថា ដោយសារមានការជឿជាក់ពីក្រសួងមហាផ្ទៃ ក៌ដូចអគ្គស្នងការនគរបាលជាតិ ដែលបានផ្តល់តួនាទី ភារកិច្ចជាស្នងការនគរបាលខេត្តព្រះសីហនុនាពេលនេះ គឺដើម្បីតបស្នងនូវការជឿជាក់ខ្ញុំ និងបេជ្ញាស្មោះត្រង់ចំពោះជាតិ សាសនា ព្រះមហាក្សត្រ គោរពអនុវត្តតាមកម្មវិធីគោលនយោបាយរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សហការជាមួយកងកម្លាំងមានសមត្ថកិច្ច ចូលរួមទប់ស្កាត់នូវរាល់
បទល្មើសគ្រប់ប្រភេទនៅក្នុងខេត្តព្រះសីហនុ ឪ្យបានទាន់ពេលវេលា ដើម្បីធានារក្សាសន្តិសុខជូនប្រជាពលរដ្ឋ អ្នកវិនិយោគិន ភ្ញៀវទេសចរជាតិ និងអន្តរជាតិឪ្យបានល្អប្រសើរ មិនធ្វើអ្វីនាំឪ្យប៉ះពាល់ផលប្រយោជន៌ប្រជាពលរដ្ឋ និងគោរពប្រតិបត្តិយ៉ាងម៉ឺងម៉ាត់ដោយឆន្ទះយុត្តិធម៌ចំពោះច្បាប់ បទបញ្ញាទ និងបញ្ជាផ្សេងៗរបស់ថ្នាក់ដឹកនាំ គោរពនូវវិន័យលេខ ០០៦របស់កងកម្លាំងនគរបាលជាតិ រក្សាសាមគ្គីភាពផ្ទៃក្នុង និងអង្គភាពពាក់ពន្ធ័ផ្សេងៗទៀតឪ្យបានល្អប្រសើរ ៕
