ភ្នំពេញ៖ ហេតុការណ៌គ្រោះថ្នាក់ចរាចរណ៍មួយបង្កឡើងដោយសាររថយន្តពីរគ្រឿងបើកបុកគ្នាពេញទំហឹងបណ្តាលឲ្យការខូចខាតតែសំណាងល្អមិនមានរងរបួសដល់មនុស្ស ។ហេតុការណ៍នេះបានកើតឡើងកាលពីវេលាម៉ោង១២និង២០នាទីរំលងអាធ្រាត ឈានចូលថ្ងៃទី៨ ខែមេសា ឆ្នាំ២០១៥ នៅតាមបណ្តោយផ្លូវលេខ១៩៣កែងផ្លូវលេខ៣៤៨ ស្ថិតក្នុងសង្កាត់ទូលស្វាយព្រៃទី១ ខណ្ឌចំការមន។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញ រថយន្តហាយឡែនឌ័រ ពណ៌ខ្មៅ ពាក់ស្លាកលេខភ្នំពេញ2L-5392 ធ្វើដំណើរតាមបណ្តោយផ្លូវ193 ក្នុងទិសដៅពីត្បូងទៅជើង ខណៈមកដល់ចំណុចកើតហេតុស្រាប់តែមានរថយន្តកូរូលា ពណ៌ទឹកប្រាក់ ពាក់ស្លាកលេខភ្នំពេញ2H-0086 ធ្វើដំណើរតាមបណ្តោយផ្លូវលេខ348 ក្នុងទិសដៅពីលិចទៅកើត ក្នុងល្បឿនលឿន ក៏ជ្រុលបុកគ្នាចំពីជំហៀងពេញទំហឹង បណ្តាលឲ្យរងការខូចខាតទាំងសងខាង តែមិនបណ្តាលឲ្យរងរបួសដល់មនុស្សនោះទេ។
ក្រោយពេលកើតហេតុ ភាគីទាំងសងខាង បានធ្វើការសម្របសម្រួលគ្នា ដោយភាគីខាងរថយន្តកូរូលា ព្រមចេញថ្លៃខូចខាត ទៅលើភាគីខាងរថយន្តហាយឡែនឌ័យ ដើម្បីបញ្ចប់រឿងនៅកន្លែងកើតហេតុដោយមិនរំខានដល់សមត្ថកិច្ច៕
