នៅវេលាម៉ោង៦និង១៥នាទីព្រឹក ថ្ងៃទី០៨ ខែមិនា ឆ្នាំ២០១៥ បុរសម្នាក់បានរងរបួសធ្ងន់ និង២រងរបួសស្រាល នៅក្នុងហេតុការគ្រោះថ្នាក់ចរាចរណ៏មួយបានកើតឡើង ពេលរថយន្តមួយគ្រឿង បើកជែងមិនផុត ក៏ទៅបុកម៉ូតូជិៈគ្នា៣នាក់ពីក្រោយពេញទំហឹង ។ ហេតុការណ៏នេះ បានកើតឡើង នៅលើផ្លូវជាតិលេខ៥ ចំណុចមុខសាលាវិទ្យាល័យ ក្រុងកំពង់ឆ្នាំង ស្ថិតក្នុងទី៨ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។ មន្ត្រីនគរបាលចរណ៏ ក្រុងកំពង់ឆ្នាំង បានអោយដឹងថា បុរសរងរបួសធ្ងន់មានឈ្មោះ វឹម ផា អាយុ៣៣ឆ្នាំ ចំណែកអ្នករងរបួសស្រាល មានឈ្មោះ វឹម ផាត អាយុ៦០ឆ្នាំ (ជាឪពុករបស់ឈ្មោះ វឹម ផា ) និងម្នាក់ទៀតឈ្មោះ ម៉ៅ ម៉េង អាយុ៣៦ឆ្នាំ ជាអ្នកបើកម៉ូតូ ទាំង៣នាក់មានទីលំនៅ ភូមិទ្រាជើង ឃុំស្រែថ្មី ស្រុករលាប្អៀរ ។
មុនពេលកើតហេតុ ជនរងគ្រោះទាំង៣នាក់ខាងលើ បានជិៈម៉ូតូមួយគ្រឿងម៉ាក ហុងដា ឌ្រីម ពណ៏ខ្មៅ ក្នុងដំណើរពីជើងទៅត្បូង តាមបណ្តោយផ្លូវជាតិលេខ៥ លុះមកដល់ចំណុច
វិទ្យាល័យ ក្រុងកំពង់ឆ្នាំង ស្រាប់តែមានរថយន្តកាមរីគូចស្វិតមួយគ្រឿង ពណ៏កណ្តុរប្រមេះ ពាក់ស្លាកលេខ ភ្នំពេញ 2B-9122 បើកបរដោយជនពុំស្គាល់ឈ្មោះ បើកមកពីក្រោយម៉ូតូជនរងគ្រោះ បានព្យាយាមបើកជែងវ៉ាម៉ូតូ តែវ៉ាមិនផុត ព្រោះមានឧបសគ្គមកពីខាងមុខ ក៏ងាកចូលក្នុងវិញ ទៅបុកម៉ូតូពីក្រោយតែម្តង ពេលនោះជនរងគ្រោះឈ្មោះ វឹម ផា ដែលជិៈពីក្រោយគេ បានប៉ើងធ្លាក់លើកាបូ និងបោកក្បាលនឹងកញ្ចក់រថយន្ត រួចបានធ្លាក់បោកមកដី រងរបួស
ធ្ងន់ ចំណែក២នាក់ទៀត បានរងរបួសស្រាល ។ក្រោយកើតហេតុ រថយន្តបង្ករបានបើករត់គេច យកទៅលាក់ទុកកន្លែងជាងជួសជុលរថយន្ត មួយកន្លែងដែលស្ថិតក្នុងចម្ងាយជាង១គីឡូម៉ែត្រ ពីកន្លែងកើតហេតុ រួចអ្នកបើកបរ បានគេចខ្លួនបាត់ ។ ចំណែកជនរងគ្រោះ ត្រូវបានដឹកបញ្ជូនទៅសង្គ្រោះ នៅមន្ទីរពេទ្យខេត្ត ឯរថយន្តបង្ក និងម៉ូតូរងគ្រោះ ត្រូវបានសមត្ថកិច្ចនគរបាល នាំមកកាន់អធិការដ្ឋាននគរបាល ក្រុងកំពង់ឆ្នាំង ដើម្បីទុកចាត់ការទៅតាមផ្លូវច្បាប់ ៕
