បន្ទាយមានជ័យៈ លំនៅដ្ឋានប្រជាពលរដ្ឋ សរុប៥៤ខ្នងនៅក្នុងស្រុកចំនួន៣របស់ខេត្តបន្ទាយមានជ័យ ត្រូវបានដួលរលំ និងប៉ើងដំបូល ក្រោមឥទ្ធិពលខ្យល់កន្ត្រាក់កាលពីរសៀល ថ្ងៃទី ០៧ មេសា ២០១៥ ។តាមរបាយការណ៍របស់នគរបាលខេត្តបន្ទាយមានជ័យបានអោយដឹងថា ស្រុកចំនួន៣ដែលទទួលរងគ្រោះដោយឥទ្ធិពលខ្យល់កន្ត្រាក់រួមមានស្រុកស្វាយចេកដួលរលំ និងប៉ើងដំបូលផ្ទះអស់ចំនួន១៩ខ្នង ស្រុកថ្មពួក ខូចខាតផ្ទះប្រជាពលរដ្ឋអស់១៨ខ្នង ស្រុកមង្គលបូរីប៉ើងដំបូលផ្ទះនិងដួលរលំទាំងអស់១០ខ្នង ស្រុកអូរជ្រៅប៉ើងដំបូលផ្ទះ និងដំបូលរងគោអស់ចំនួន៨ខ្នង ។ ក្នុងហេតុការណ៍គ្រោះធម្មជាតិនេះបណ្តាលអោយ មនុស្សម្នាក់រងរបួស
នៅស្រុកស្វាយចេក និងខួចខាតនូសំភារៈមួយចំនួនដែលនៅក្នុងផ្ទះរងគ្រោះ ។ ជាមួយនិងការរងគ្រោះដោយខ្យល់កន្ត្រាក់លើលំនៅដ្ឋានរបស់ប្រជាពលរដ្ឋនេះ លោក អាត់ ខែម ស្នងការនគរបាលខេត្តបន្ទាយមានជ័យ បានចាត់អោយកំលាំងនគរបាលតាមអធិការនីមួយៗ ចុះជួយជួសជុលលំនៅដ្ឋានប្រជាពលរដ្ឋណាដែលគ្មានសមត្ថិភាព ក្នុងការជួសជុលផ្ទះឡើងវិញ។សូមបញ្ជាក់ថា ក្នុងដើមខែមេសា ២០១៥នេះ ខេត្តបន្ទាយមានជ័យ ទទួលរងគ្រោះដោយសាខ្យល់កន្ត្រាក់ ដួលរលំ ឬប៉ើងដំបូលផ្ទះចំនួន២លើកមកហើយ ៕
