សៀមរាប៖សឪមរាប សាខាថ្មី នៃសាលាACEខេត្តសៀមរាប ត្រូវបានបើកសម្ពោធកាត់ខ្សែបូរដាក់ឲ្យប្រើប្រាស់ជាផ្លូវការ ក្រោមអធិបតីភាព របស់ឯ.ឧបណ្ឌិត ហង់ ជួនណារ៉ុង រដ្ឋមន្ត្រីក្រសួងអប់រំយុវជន និង កីឡា និង លោក ឃឹម ប៊ុនសុង អភិបាលនៃ គណៈអភិបាលខេត្ត
សៀមរាប និង លោក ស៊ីម៉ុន ហ្វេលឡូស អគ្គរដ្ឋទូតអូស្ត្រាលី ប្រចាំព្រះរាជាណាចក្រកម្ពុជា កាល ពីរសៀលថ្ងៃទី ០៨ ខែ មេសា ឆ្នាំ២០១៥ ។
បន្ទាប់ពីកិច្ចស្វាគមន៍របស់លោក ម៉ៅ ស្រេង នាយក អាយ ឌី ភី អ៊ីឌ្យូខេស៊ិន ប្រចាំកម្ពុជា និងការធ្វើ ចំណាប់ អារម្មណ៍របស់លោក ស៊ីម៉ុន ហ្វេលឡូស អគ្គរដ្ឋទូតអូស្ត្រាលី ប្រចាំព្រះរាជាណាចក្រកម្ពុជា ក៏បានធ្វើការបញ្ជាក់ផងដែរថា ក្នុងរយៈពេល២៣ឆ្នាំមកនេះ សាលាACE ក្នុងបម្រើវិស័យអប់រំនៅកម្ពុជា បានធ្វើការបណ្តុះបណ្តាលធនធាន មនុស្ស សំខាន់ដោយផ្តោតទៅលើការសិក្សាភាសាអង់គ្លេស ដែលជាភាសាយានក្នុងការទំនាក់ទំនងជាអន្តរជាតិ នៅ លើពិភពលោក ។
មានប្រសាសន៍នោះដែរលោក ឃឹម ប៊ុនសុង អភិបាលនៃគណៈអភិបាលខេត្ត លោកបណ្ឌិត ហង់ ជួនណារ៉ុង រដ្ឋមន្ត្រីក្រសួងអប់រំយុវជន និង កីឡា បានលើកឡើងថា ការងារអប់រំត្រូវបានប្រមុខរាជរដ្ឋាភិបាល យកចិត្តទុកដាក់ ក្នុង ការកសាង និង អភិវឌ្ឍន៍ធនធានមនុស្ស ប្រកបដោយគុណភាព និង មានគុណធម៌ ដើម្បីឆ្លើយតបទៅនឹងការអភិវឌ្ឍន៍ សង្គម សេដ្ឋកិច្ច ដើម្បីកសាងកម្ពុជា ក្លាយជាសង្គមរីកចម្រើន ដោយផ្អែកលើមូលដ្ឋានចំណេះដឹង លើគ្រប់វិស័យ រួម ទាំងវិទ្យាសាស្ត្រ បច្ចេកទេស និង ចំណេះធ្វើ ។ ឯកឧត្តមទាំងពីរក៏បានគូសបញ្ជាក់ថា ការអប់រំសម្រាប់ទាំងអស់គ្នា ដោយធានានូវលទ្ធភាពទទួលបានសេវាអប់រំ ប្រកបដោយសមធម៌ ដែលផ្តល់ឱកាសស្មើៗគ្នាដល់កុមារ និង យុវជន កម្ពុជាទាំងអស់ ឲ្យទទួលបានការអប់រំមូលដ្ឋានក្នុងប្រព័ន្ធ និង អប់រំក្រៅប្រព័ន្ធ ។ លោក ឃឹម ប៊ុនសុង និងឯ.ឧបណ្ឌិត ហង់ ជួនណារ៉ុង ក៏បានបញ្ជាក់ពីការអនុវត្តគោលការណ៍អប់រំ គឺត្រូវផ្សារភ្ជាប់នឹងការអប់រំមនសិការសេ្នហាជាតិ ការ អប់រំអំពីប្រវត្តិសាស្ត្រ ការអប់រំវប្បធម៌សន្តភាព ការគោរពសិទ្ធ ព្រមទាំងប្រសិទ្ធភាពនៃសេវាអប់រំនៅគ្រប់កម្រិតសិក្សា ការបណ្តុះបណ្តាលបច្ចេកទេស មុខជំនាញ ទាំងក្នុងគ្រឹះស្ថានរដ្ឋ និង ឯកជន ឲ្យស្របតាមស្តង់ដារអន្តរជាតិ និង តម្រូវ ការអភិវឌ្ឍន៍របស់ប្រទេស តាមរយៈការពង្រឹង ការងារបណ្តុះបណ្តាល និង វិក្រិតការគ្រូបង្រៀន ក្នុងការពង្រឹងសមត្ថ ភាពគ្រប់គ្រង និង បង្រៀន ។ លោកបណ្ឌិត ហង់ ជួនណារ៉ុង បានគូសបញ្ជាក់ថា ការអភិវឌ្ឍន៍ធនធានមនុស្សប្រកប ដោយគុណភាព សមត្ថភាព និង គុណធម៌ គឺជាកត្តាគន្លឹះ សម្រាប់ទ្រទ្រង់កំណើនសេដ្ឋកិច្ច ក្នុងភាពប្រកួតប្រជែងរបស់ ប្រទេស ជាពិសេសក្នុងពេលខ្លីខាងមុខ នឹងបន្តឡើងទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០២០ និងជា ប្រទេសអភិវឌ្ឍន៍នៅឆ្នាំ២០៥០ ។
ការអភិវឌ្ឍន៍ធនធានមនុស្ស សំខាន់យុវជន ដើម្បីសំដៅការកសាងសមត្ថភាពខាង ចំណេះដឹង សមត្ថភាព ការស្រាវជ្រាវ ដោយលើកស្ទួយគុណភាព ខាងសុខភាព កាយសម្បទា សីលធម៌ និង ស្មារតី ទទួលខុសត្រូវប្រកបដោយប្រព័ន្ធសុវត្ថិភាពសង្គម ក្នុងផ្តល់ឱកាសដល់កុមារ និង យុវជនទទួលបានការអប់រំទាំងអស់ គ្នា ។ ឯកឧត្តមបណ្ឌិត ក៏បានសំណូមពរដល់ លោកគ្រូ អ្នកគ្រូ មាតាបិតា អាណាព្យាបាលសិស្ស ចូលរួមគាំទ្រលើការ ងារអប់រំដល់សិស្សានុសិស្ស ក្នុងការឆ្លើយតបទៅនឹងចតុស្តម្ភទាំងបួន របស់វិស័យអប់រំជាតិ ក្នុងការផ្តល់ចំណេះដឹងបំណិត និងបទដ្ឋានអន្តរជាតិ សំដៅអប់រំសិស្សក្នុងការធានាគុណភាពស្តង់ដារខ្ពស់ ចីរភាព ប្រសិទ្ធភាព សម្រាប់ការធ្វើ សមាហរកម្មសេដ្ឋកិច្ចអាស៊ាននៅចុងឆ្នាំ២០១៥នេះ ។ ឯកឧត្តមបណ្ឌិតក៏មានសង្ឃឹមជឿជាក់ថា សាលារៀននេះពិត បំពេញបាននូវតួនាទី ភារកិច្ច ក្នុងការបណ្តុះបណ្តាល ទាំងបរិមាណ គុណភាពដល់កុមារ យុវជន នៅខេត្តសៀមរាប នូវ ចំណេះវិជ្ជា ដើម្បីកសាងខ្លួនជាកុមារលអ ពលរដ្ឋល្អ ទៅពេលអនាគតផងដែរ ៕
