កំពង់ធំៈ ក្រោយពីសកម្មភាពនៃរដ្ឋបាលសាលាខេត្តកំពង់ធំ ទទួលនូវព្យុះភ្លៀង រកាំរកុះមកជាច្រើនឆ្នាំ បង្ករឲ្យមន្ត្រីរាជការ មួយចំនួនមានការអាក់អនចិត្ត នូវទង្វើនៃរដ្ឋបាលសាលាខេត្តកំពង់ធំ រហូតមានការបោះឆ្នោតសម្ងាត់ម្តងហើយម្តង ទៀតដើម្បីធ្វើការពិចារណា សុំធ្វើការផ្លាស់ប្តូរនាយករដ្ឋបាលសាលាខេត្តកំពង់ធំ ដោយអះអាងថា នាយកររដ្ឋបាល ដែលមានឈ្មោះ ឡង គីសឹង ពុំមានលទ្ធភាពក្នុងការ ចាត់ចែងការងាររដ្ឋបាល ។
កាលពីថ្ងៃទី ១១ ខែ មិនា ឆ្នាំ ២០១៥ មានការប្រជុំក្រុមប្រឹក្សាខេត្តកំពង់ធំ ដែលមាន ឯកឧត្តម ឈុន ឈន់ ប្រធានក្រុម ប្រឹក្សាខេត្តកំពង់ធំ ព្រមទាំងសមាជិក ក្រុមប្រឹក្សា បានប្រជុំបោះឆ្នោតដក់ លោក ឡង គីសឹង នាយករដ្ឋបាលសាលាខេត្តកំពង់ធំ ក្នុងនោះមានអ្នកជំទាស់ ចំនួន ៣សំលេង ចំណែកអ្នកដែលឯកភាពឲ្យដកលោក ឡង គីសឹង ចេញ និងធ្វើការ ផ្លាស់ប្តូរនាយថ្មី មានចំនួន ១១សំលេង លទ្ធផលទើបក្រុមប្រឹក្សាសម្រេចធ្វើលិខិត ទៅក្រសួងមហាផ្ទៃ ដើម្បីសុំដកលោក ឡង គឺសឹង លេខ ១១៧ រ ប ក ចុះថ្ងៃទី ១៦ មិនា ឆ្នាំ ២០១៥។
ន័យក្នុងលិខិតផ្ញើរជូន ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដោយយោងតាមសេចក្តីនៃអង្គប្រជុំ ស្តីពី ភាពមិនប្រកតី និងភាពខុសឆ្គងរបស់លោក ឡង គីសឹង នាយករដ្ឋបាល សាលាខេត្តកំពង់ធំ សុំដកលោក ឡង គីសឹង និងឲ្យផ្លាស់ប្តូរទៅបម្រើការនៅក្រសួងមហាផ្ទៃវិញ ហើយក្រុមប្រឹក្សាខេត្តកំពង់ធំ បានសម្រេចឯកភាពគ្នា រៀបចំ លោក អ៊ឹម សារឿន ជានាយករដ្ឋបាលខេត្តកំពង់ធំវិញ ដោយសារមានគុណសម្បត្តិគ្រប់គ្រាន់ ឲ្យបំពេញតួនាទីជា នាយករដ្ឋបាលជំនួន លោក ឡង គីសឹង ចំណែកលោក ម៉ាក់ ប៊ុនហុង លោក អ៊ុក ប៊ុនធឿន ឲ្យរក្សាទុកជានាយរង នាយករងរដ្ឋបាលសាលាខេត្តកំពង់ធំដដែល ចំណែកលោក ឆូយ កុសល អភិបាលរងស្រុកស្ទោង មកបំពេញការងារជំនួសលោក អ៊ឹម សារឿនវិញ ។
មហាជនទូទៅបាននិយាយថា គ្មានអ្វីដែលគួរឲ្យមានការភ្ញាក់ផ្អើលនោះទេ ជាធម្មតាកងកម្លាំង មន្ត្រីរាជការ តែងតែមានការផ្លាស់ប្តូរមុខតំណៃង ទីតាំង ជារឿងធម្មតា ជាពិសេសលោក ឡង គីសឹង ត្រូវបានផ្លាស់ប្តូរទៅក្រសួងមហាផ្ទៃ ប្រៀបបានទៅនឹង សេរីមង្គលរបស់លោក ឡង គឺសឹង ឆ្នាំចាស់ផ្លាសចូលឆ្នាំថ្មី ការងារចាស់ ផ្លាស់ទៅទទួលការងារថ្មី ដើម្បីទទួលបាននូវបទពិសោធន៍ក្នុងជីវិតផងដែរ។
ដោយ ប៊ុន រដ្ឋា
