ខេត្តមណ្ឌលគិរីៈ ក្មេងស្រីអាយុ២ឆ្នាំម្នាក់ត្រូវបានឪពុកបង្កើតកាប់មួយកាំបិតផ្គាក់ដាច់ ក ស្លាប់ភ្លាមៗនៅនិងកន្លែង ។ ហេតុការនេះបានកើតឡើងនៅវេលាម៉ោង០១:00យប់ថ្ងៃទី១០រំលងឈានចូលថ្ងៃទី១១ ខែមេសា ឆ្នាំ២០១៥ ដែលស្ថិតនៅភូមិ ពូឡេះ ឃុំដាក់ដាំ ស្រុកអូររាំង
ហើយឪពុកដៃដល់រូបនេះត្រូវបានគេដឹងថាជាមនុស្សដែលញៀនថ្នាំពេញបន្ទុក ។
លោក ញ៉ែម វ៉ាន់នី ស្នងការដ្ឋានខេត្តបានដឹកនាំកំលាំងចុះផ្ទាល់ក្នុងប្រតិបត្តិការនោះអោយដឹងថា បន្ទាប់ពីបានទទួលសេចក្តីរាយការណ៏ពីករណីនេះភ្លាមកំលាំងបានចុះដល់កន្លែងកើតហេតុហើយកំលាំងបានឡោមពទ្ធ័នៅទីតាំងផ្ទះរបស់ជនល្មើសបានធ្វើការឃាត់ខ្លួនជនសង្ស័យភ្លាមៗនៅទីតាំងខាងលើ រួចបានធ្វើការបញ្ជូនមកកាន់ការិយាល័យព្រហ្មទណ្ឌ័កំរិតធ្ងង់ខេត្តដើម្បីចាត់ការតាមផ្លូវច្បាប់ ។តាមការជាក់ស្តែងជនសង្ស័យនៅព្រឹកថ្ងៃទី១១ មេសា ឆ្នាំ២០១៥នេះហាក់បីដូចជាពុំទាន់ធូស្រាលនៅឡើយទេអំពីការញៀនថ្នាំ របស់ឪពុករូបនោះ សមត្ថកិច្ចកំពុងបន្តការឃុំខ្លួនរងចាំឃាតករូបនេះមានសត្តិធម្មតាវិញសិនទើបជំនាញសួរនាំនិងកសាងសំណុំរឿងបញ្ជូនទៅកាន់សាលាដំបូងខេត្តចាត់ការបន្ត ។
ជនសង្ស័យដែលសំលាប់កូនបង្កើតខ្លួនឯងនេះមានឈ្មោះ ម៉ីន ម៉ាត់លី ភេទប្រុស អាយុ២៨ឆ្នាំ រស់នៅភូមិឃុំកើតហេតុខាងលើ ក្មេងស្រីរងគ្រោះដែលបានស្លាប់មាន ឈ្មោះ ម៉ាត់ លីរ៉ូហាយនី អាយុ២ឆ្នាំ បច្ចុប្បន្នម្តាយនិងសាច់ញ្ញាតិកំពុងចាត់ចែងធ្វើបុណ្យតាមប្រពៃណី ។
