ខេត្តព្រះសីហនុ=កាលពីរសៀលថ្ងៃទី១០មេសាដោយជាប់សង្ស័យពាក់ព័ន្ធនិងករណីប្រើអំពើហឹង្សាទៅលើជនបរទេសម្នាក់បណ្តាលឲ្យរងរបួសរយះក្បាលធ្ងន់ធ្ងរកាលពីយប់រំលងអាធ្រាត្រថ្ងៃទី៨មេសានៅក្នុងហាងលក់ដូរឈ្មោះSam’s Beach Bar ស្ថិតនៅឆ្នេរសមុទ្រអូរត្រេះ២ក្នុ
សង្កាត់លេខ៤ក្រុងព្រះសីហនុ។លោកឧត្តមសេនីយ៌ត្រី ហេងប៊ុនទី មេបញ្ជាការកងរាជអាវុធហត្ថខេត្តព្រះសីហនុបានឲ្យដឹងថាជនរងគ្រោះជនជាតិតួកគីមានឈ្មោះYIGIJ CHANTA CARAL ភេប្រុសអាយុ២៩ឆ្នាំបានរងរបួសក្បាលចំនួន២កន្លែងពេទ្យដេរអស់៧ថ្នេរ។លោកឧត្តមសេនីយ៌មេបញ្ជាការបានឲ្យដឹងទៀតថាជនសង្ស័យទាំង៤នាក់ដែលកម្លាំងលោកស្រាវជ្រាវចាប់ឃាត់ខ្លួនបាននៅពេលនេះមានឈ្មោះ១/ផាន វណ្ណា ភេទប្រុសអាយុ៣៣ឆ្នាំ ២/ឈ្មោះ អ៊ុយ បូណា ភេទប្រុសអាយុ២០ឆ្នាំ ៣/ឈ្មោះ បឿន តុលា ភេទប្រុសអាយុ៣០ឆ្នាំនិងទី៤/ឈ្មោះ លឹមគីរីភេទប្រុសអាយុ២៣ឆ្នាំដែលជនសង្ស័យទាំង៤នាក់នេះជាបុគ្គលិកបំរើការនៅក្នុងហាងកើតហេតុខាងលើនេះ។
ពាក់ព័ន្ធនិងជម្លោះឈានទៅបង្ករបួសស្នាមខាងលើនេះត្រូវបានសាក្សីនៅក្បែរនោះនិយាយថាមុនពេលកើតហេតុគេឃើញជនជាតិតួកគីដើរចូលទៅផឹកស៉ីនៅក្នុងហាងដែលកើតហេតុបន្ទាប់មកក៌កើតមានទំនាស់ពាក្យសំដីគ្នារវាងក្រុមបុគ្គលិកនៅក្នុងហាងជាមួយជនបរទេសទើបមានអំពើហឹង្សាកើតឡើង។បច្ចុប្បន្ននេះជនសង្ស័យត្រូវបានកម្លាំងជុំនាញធ្វើការសាកសួរដើម្បីកសាងសំណុំរឿងបញ្ជូនទៅសាលាដំបូងផ្តន្ទាទោសទៅតាមផ្លូវច្បាប់ជាធរមាន៕
