កំពង់ឆ្នាំង៖បុរសម្នាក់បានរងរបួសធ្ងន់ធ្ងរដោសារជិះម៉ូតូទៅបុករថយន្តក្នុងទិសច្រាស់គ្នានិងក្នុងចំណែកផ្លូវរបស់រថយន្ត។ ហេតុការណ៍នៃគ្រោះថ្នាក់ចរាចរណ៍នេះបានកើតឡើងវេលាម៉ោង៧និង២៥នាទីយប់ថ្ងៃទី០៩ ខែមេសា ឆ្នាំ២០១៥ លើផ្លូវកៅស៊ូនៅមុខសណ្ឋាគារសំរោង
ប្រជាពលរដ្ឋបានឃើញហេតុការណ៍នេះនិយាយអោយដឹងថា៖អ្នកបើកបរថយន្តម៉ាកកាមរីពណ៍សំបកឪឡឹកពាក់ស្លាកលេខPP2C2041ឈ្មោះ កង ចន្ធី អា យុ៤១ឆ្នាំ រស់នៅក្នុងភូមិឡដទឹកត្រី សង្កាត់កំពង់ឆ្នាំង ក្រុងកំពង់ឆ្នាំង បើកបរថយន្តបានបើកបរពីលិចមកកើត។ដោយឡែកអ្នកបើកបម៉ូតូមានឈ្មោះ តា រ៉េមបើកបរម៉ូតូម៉ាកសង់កូរ៉េពាក់ស្លាកលេខកំពង់ឆ្នាំង 1A 6332 បើកបរពីកើតមកលិច។
មុនពេលកើតហេតុគេបានឃើញរថយន្តបើកបក្នុងល្បឿនធម្មតាពីលិចមកកើត ខណះដែលជនរងគ្រោះបើកបរក្នុងល្បឿនយ៉ាងលឿននិងមានស្ថានភាពស្រវឹងខ្លាំងផង បានបើករេមកខាងចំណែកផ្លូវរបស់រថយន្ត ដោយឃើញស្ថានភាពដូច្នេះអ្នកបើកបររថយន្តបានឈប់ស្ងៀម ឯជនរងគ្រោះក៏បានជិះម៉ូតូបុករថយន្តចំពីមុខពេញទំហឹង ម៉ូតូបានទៅនៅពីក្រោមរថយន្ត ចំណែកជនរងគ្រោះបានខ្ទេតចេញពីម៉ូតូដួលបែកមុខបែកមាត់។
ក្រោយពេលកើតហេតុជនរងគ្រោះត្រូវបានប្រជាពលរដ្ឋដឹកតាមម៉ូតូយកទៅកាន់មន្ទីពេទ្យខេត្តកំពង់ឆ្នាំងដើម្បីអោយគ្រូពេទ្យសង្គ្រោះព្យាបាល។នៅកន្លែងកើតហេតុសមត្ថកិច្ចបានចុះមកធ្វើការវាស់វែងប្លង់គ្រោះថ្នាក់កសាងសំណុំរឿងតាមនិតិវិធី ដោយឡែករថយន្តនិងម៉ូតូត្រូវបានសមត្ថកិច្ចយកមករក្សារទុកនៅអធិការនគបាលក្រុងកំពង់ឆ្នាំង។ប្រជាពលរដ្ឋដែលបានឃើញហេតុការណ៍នេះ រង់ចាំមើលថាសមត្ថកិច្ចនឹដដោះស្រាយបែបណាដែរ ខណះដែលអ្នកបើកបរម៉ូតូបើកបរក្នុងស្ថានភាពស្រវឹង ទៅបុករថយន្តក្នុងចំណែកផ្លូវរថយន្ត បង្កគ្រោះថ្នាក់ធ្ងន់ធ្ងរខ្លួនឯងបែបនេះ៕
