សៀមរាប : ជនសង្ស័យម្នាក់នេះមានឈ្មោះ LE VAN DANG ភេទ ប្រុស អាយុ ៦០ ឆ្នាំ ត្រូវបានលោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលប្រឆាំងបទល្មើសនៃស្នងការដ្ឋាននគរបាលខេត្តសៀមរាប និង លោក វរសេនីយ៍ទោ អ៊ុំ សាអាត នាយ
ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានដឹកនាំកម្លាំងក្នុងការិយាល័យជំនាញសហការណ៍ជាមួយកម្លាំងកយ កម្លាំងកាំកុងត្រូលនិងកម្លាំងនគរបាលច្រកទ្វារអាកាសយានដ្ឋានអន្តរជាតិសៀមរាបបានធ្វើការតាមដានស្រាវជ្រាវនិងឈានដល់ការចាប់ឃាត់ខ្លួនជនសង្ស័យម្នាក់នេះបាននៅក្នុងអាកាសយាន ដ្ឋានអន្តរជាតិសៀមរាបកាលពីវេលាម៉ោង ១៤ ថ្ងៃទី ១៦ ខែ មេសា កន្លងទៅ ។ ព្រមទាំងវត្ថុតាង ថ្នាំញៀនប្រភេទម្សៅកូកាអ៊ីនចំនួន៥២៥០ ក្រាម យកមកកាន់ការិយាល័យនគរបាលជំនាញដើម្បីធ្វើការសួរនាំបន្តជាប់ពាក់ព័ន្ធក្នុងករណីដឹកជញ្ជូនដោយខុសច្បាប់នូវសារធាតុញៀន ។
លោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលប្រឆាំងបទល្មើសនៃស្នងការដ្ឋាននគរបាលខេត្តសៀមរាប និង លោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាក្នុងកិច្ចចុះប្រតិបត្តិការណ៍ខាងលើបន្ទាប់ពីសមត្ថកិច្ចជំនាញបានធ្វើការសួរនាំចំពោះជនសង្ស័យជាប់ពាក់ព័ន្ធក្នុងករណីដឹកជញ្ជូនដោយខុសច្បាប់នូវសារធាតុញៀនហើយនោះជនសង្ស័យបាននិយាយថារូបគេបានធ្វើដំណើរតាមជើងហោះហើរជាច្រើនប្រទេសរួចមកស្នាក់នៅក្នុងខេត្តសៀមរាបបានចំនួនមួយយប់កាលពីថ្ងៃទី ១៥ ខែ មេសា ឆ្នាំ ២០១៥ កន្លងទៅ លុះដល់រសៀលថ្ងៃទី១៦ខែមេសា ជនសង្ស័យបានមកអាកាសយាន ដ្ឋានអន្តរជាតិសៀមរាបដើម្បីយកឥវ៉ាន់ ដែលគេផ្ញើមកពីប្រទេសម៉ាឡេស៊ី ក៏ត្រូវបានសមត្ថកិច្ចចាប់ឃាត់ខ្លួនបានតែម្តង ព្រមទាំងវត្ថុតាង ថ្នាំញៀនប្រភេទម្សៅកូកាអ៊ីនចំនួន៥២៥០ ក្រាម ដែលជនសង្ស័យបានយកលាក់ទុកក្នុងប្រអប់កេះដាក់សម្ភារះ បច្ចុប្បន្នជនសង្ស័យនិងវត្ថុតាងត្រូវបានសមត្ថកិច្ចចំណាត់ការទៅតាមផ្លូវច្បាប់បន្តហើយកាលពីថ្ងៃទី១៨ ខែ មេសា នេះ ៕
លោក ខេង ខេមរា
